OthersPosted at: Jan 22 2017 2:40PM آندھراپردیش میں ٹرین حادثہ، ہلاک شدگان کی تعداد32تقریبا100مسافر زخمی
Train وجیانگرم (آندھراپردیش)22جنوری(یواین آئی)جگدل پور۔بھونیشورہیراکند ایکسریس ٹرین کے آندھراپردیش کے ضلع وجیانگرم کے کونیرو اسٹیشن کے قریب پٹریوں سے اترجانے کے واقعہ میں مرنے والوں کی تعداد بڑھ کر32ہوگئی ہے جبکہ اس حادثہ میں تقریبا100مسافر زخمی ہوگئے ہیں۔ ہلاکتوں کی تعداد میں اضافہ کا خدشہ ہے۔زخمیوں کو علاج کے لئے پاروتی پورم ، رائے گڑھ ،وجئے نگرم کے اسپتال منتقل کردیا گیا۔اس حادثہ میں بعض ڈبوں کو شدید نقصان پہنچا۔وزیرریلوے سریش پربھو نے ایسٹ کوسٹ ریلوے کے افسروں کے ساتھ راحت کاموں کا جائزہ لیا اور مناسب راحت اقدامات کرنے کی ہدایت دی۔انہوں نے زخمیوں کے مناسب علاج پر بھی زور دیا۔اس حادثہ کے سبب اس روٹ پر چلائی جانے والی چار ٹرینوں کو منسوخ کردیا گیااور مزید چار ٹرینوں کے رخ کو موڑ دیا گیا۔ ریلوے نے اپنے ریلیز میں یہ بات بتائی۔ اسی دوران آندھراپردیش کے وزیراعلی این چندرابابونائیڈو نے اس حادثہ پر گہرے دکھ کا اظہار کیا۔انہوں نے پولیس اور دیگر محکمہ جات کے افسروں کو ہدایت دی کہ وہ فوری طور پر مقام واقعہ پر پہنچ جائیں اور راحت کاموں میں تیزی پیداکی جائے ۔انہوں نے شمالی آندھراپردیش کے وزرا کو ہدایت دی کہ وہ راحت کاموں کی نگرانی کریں اورزخمیوں کے مناسب علاج کو یقینی بنائیں ۔آندھراپردیش کی اصل حزب اختلاف وائی ایس آر کانگریس کے سربراہ وائی ایس جگن موہن ریڈی نے بھی اس واقعہ پر گہرے دکھ کا اظہار کیا اور زخمیوں کو مناسب علاج کی سہولت فراہم کرنے کا ریاستی حکومت سے مطالبہ کیا۔ یواین آئی۔ وخ۔ س ا۔ این یو۔