NationalPosted at: Jan 29 2018 1:51PM صدر جمہوریہ کی تقریر، اقتصادی سروے کی کاپیاں لوک سبھا میں پیش
نئی دہلی 29 جنوری (یو این آئی) لوک سبھا میں آج صدر جمہوریہ کی تقریر کی کاپی ایوان کی میز پر رکھی گئی اور اقتصادی سروے18۔2017پیش کیا گیا جس کے بعد ایوان کی کارروائی یکم فروری تک ملتوی کر دی گئی۔
پارلیمنٹ کے مرکزی ہال میں دونوں ایوانوں کے مشترکہ اجلاس میں 11 بجے صدر رام ناتھ كووند کی تقریر کے بعد دوپہر 12 بج کر 21 منٹ پر لوک سبھا کی کارروائی شروع ہوئی۔ کارروائی شروع ہوتے ہی صدر کے خطاب کی کاپی ایوان کی میز پر پیش کی گئی۔
اس کے بعد وزیر خزانہ ارون جیٹلی نے اقتصادی سروے (18۔ 2017) کے ہندی اور انگریزی میں دو -دو ایڈیشن میز پر رکھے جس کے فورا بعد صدر نے ایوان کی کارروائی یکم فروری تک ملتوی کرنے کا اعلان کردیا۔
جمعرات یکم فروری کو وزیر خزانہ ایوان میں مالیاتی سال 19 ۔ 2018 کا عام بجٹ پیش کریں گے۔
یو این آئی۔ شا پ.1336