RegionalPosted at: Aug 12 2020 3:39PM بلندشہر:سدیکشا بھاٹی کی موت کی رپورٹ 3دنوں میں
بلندشہر:12اگست(یواین آئی) اترپردیش کے ضلع بلند شہر کی ہونہار طالبہ سدیکچھا بھاٹی کی المناک موت پر بلند شہر پولیس نے نامعلوم بائیک سواروں کے خلاف مقدمہ درج کر کے جاچ کے لئے ایس آئی ٹی تشکیل دی ہے جو تین دن کے اندر اپنی رپورٹ سونپے گی گذشتہ کل بلند شہر میں سڑک حادثے میں سدیکچھا بھاٹی کی موت ہوگئی تھی۔ وہ چار کروڑ کی اسکالر شپ لے کر امریکہ میں منیجمنٹ کی پڑھائی کررہی تھی۔کارگذار سپرنٹنڈنٹ آف پولیس اتل کمار شریواستو نے آج یہاں بتایا کہ سدیکچھا بھاٹی کی موت کے معاملے میں پولیس نے اورنگ آباد تھانے میں رپورٹ درج کی ہے۔ وہیں اہل خانہ کا الزامات پر سرکل افسر و دو انسپکٹر سمیت 3افراد پر مشتمل ایک ایس آئی ٹی تشکیل دے کر پورے واقعہ کی جانچ کی ذمہ داری سونپی گئی ہے۔ایس آئی ٹی تین دنوں میں اپنی رپورٹ سونپے گی۔
سدیکچھا کے والد کی تحریر پر پولیس نے آئی پی سی کی دفعات 279،304اے،14،184اور192 کے تحت نامعلوم بائیک سواروں کے خلاف مقدمہ درج کیا ہے۔
یواین آئی۔ولی