لکھنؤ 07 جنوری (یواین آئی) سماج وادی پارٹی (ایس پی) کے صدر اکھلیش یادو نے وزیر اعلی یوگی آدتیہ ناتھ کا نام لئے بغیر ان پر ذات پات میں یقین رکھنے کا الزام لگایا اور کہا کہ وہ اس سے بچنے کے لیے ان پر کنبہ پروری اور ذات پات کی سیاست کرنے کا الزام لگاتے رہتے ہیں۔
مسٹر یادو نے آج یہاں صحافیوں سے کہا، "پارٹی کے کنبہ پروری سے انہیں خطرہ ہے۔ آپ خود ذات پات میں یقین رکھتے ہیں ، اس لئے ہم ذات پات پر یقین رکھنے اور کنبہ پروری کا الزام لگاتے رہتے ہیں۔ انہیں ان سب کے بجائے کام کرنا چاہیئے۔"
ایک سوال کے جواب میں سماج وادی پارٹی کے سربراہ نے کہا کہ وہ چاہتے ہیں کہ اپوزیشن متحد ہو تاکہ بی جے پی سے مقابلہ دلچسپ ہو۔الیکٹرانک ووٹنگ مشین (ای وی ایم) کے معاملے پر انہوں نے کل میٹنگ طلب کی تھی ۔ اس میٹنگ میں اپوزیشن جماعتوں کے ریاستی صدور کو مدعو کیا گیا تھا۔سب کی خواہش تھی کہ گورکھپور اور پھول پور لوک سبھا سیٹ پر ہونے والے ضمنی انتخابات میں ای وی ایم مشینیں استعمال نہ کی جائیں ۔بیلٹ پیپر کے ذریعے ضمنی انتخابات ہوں۔ تجربے کے لئے اسے آزمانے میں حرج ہی کیا ہے۔ ان کا کہنا تھا کہ پٹرول پمپ پر چپ لگا کر گڑبڑي کروائی جا سکتی ہے تو وی ایم میں کیوں نہیں۔
جاری
یواین آئی۔ ایم اے ۔ م س