نئی دہلی، 8 مارچ (یواین آئی) انڈرورلڈ سرغنہ داؤد ابراہیم کا قریبی اور 1993 کے ممبئی بم دھماکوں کا ملزم مشتاق محمد فاروق عرف فاروق ٹكلا کو دبئی سے گرفتار کرکے آج ممبئی لایا گیا۔
مرکزی تفتیشی بیورو (سی بی آئی) کے ذرائع نے اس کی گرفتاری کی تصدیق کی ہے۔
انہوں نے یہاں بتایا کہ فاروق ٹكلا کو ایئر انڈیا کی پرواز سے صبح ممبئی لایا گیا۔ اسے آج ممبئی میں خصوصی عدالت کے سامنے پیش کیا جائے گا۔ فاروق ٹكلا 1993 میں ممبئی میں ہوئے سلسلہ وار بم دھماکوں کے بعد ملک سے فرار ہو گیا تھا۔ اس کے خلاف 1995 میں ریڈ کارنر نوٹس بھی جاری کیاگیا تھا۔فاروق ٹكلا کے خلاف قتل، تاوان اور دہشت گردانہ سرگرمیوں میں ملوث ہونے کا الزام ہے۔
یو این آئی،اظ 1021