( 10 دسمبر برسی کے موقع پرخصوصی پیش کش)
ممبئی، 9 دسمبر(یو این آئی) بالی ووڈ اداکار اشوک کمار کی شبیہ اگرچہ ایک سدا بہار اداکار کی رہی ہے وہ فلم انڈسٹری کے پہلے ایسے اداکار رہے جنہوں نے اینٹی ہیرو کا کردار بھی ادا کیا تھا ہندی فلم انڈسٹری میں سب سے زیادہ کامیاب فلموں میں بامبے ٹاکیز کی سال 1943 میں فلم قسمت میں اشوک کمار نے اینٹی ہیرو کے کردار نبھایا تھا. اس فلم نے کلکتہ کے چترا تھیٹر سنیما ہال میں مسلسل 196 ہفتوں تک چلنے کا ریکارڈ بنایا تھا۔

ہندی فلم انڈسٹری میں دادا مونی کے نام سے مشہور کمود کمار گنگولی عرف اشوک کمار کی پیدائش بہار کے بھاگلپور شہر میں 13 اکتوبر 1911 کو ایک درمیانے طبقے کے بنگالی خاندان میں ہوئی تھی۔
اشوک کمار نے اپنی ابتدائی تعلیم کھندوا شہر سے مکمل کی. اس کے بعد انہوں نے گریجویشن کی تعلیم الہ آباد یونیورسٹی سے مکمل کی جہاں ان کی دوستی ششادھر مکھرجی سے ہو گئی جو انہیں کے ساتھ پڑھا کرتے تھے۔

اشوک کمار نے اپنی دوستی کو ایک نئے رشتے میں تبدیل کر دیا اوراپنی اکلوتی بہن کی شادی ششادھر سے کردی۔

سال 1934 میں نیو تھیٹر میں بطور لیباٹري اسسٹنٹ کام کر رہے اشوک کمار کو بامبے ٹاکیز میں کام کر رہےان کے بہنوئی ششادھر مکھرجی نے اپنے پاس بلا لیا۔
سال 1936 میں بامبے ٹاکیز کی فلم ’’ جیون نیّا ‘‘کی تعمیر کے دوران همانشو رائے نے اشوک کمار سے فلم میں بطور اداکار کام کرنے کی گزارش کی۔
اس فلم کے ساتھ اشوک کمار نے ایک اداکار کے طور پر اپنے فلمی سفر کا آغاز کیا۔

جاری۔
یو این آئی۔
شا پ۔
0900