بنکاک، 18 مئی (یو این آئی) چراغ شیٹی اور ستوک سائراج رینکیریڈی کی ہندوستانی جوڑی جمعہ کی رات دیر گئے یہاں نیمبوترا اسٹیڈیم میں شاندار جیت کے بعد تھائی لینڈ اوپن 2024 بیڈمنٹن ٹورنامنٹ کے سیمی فائنل میں پہنچ گئی ہے۔

دنیا میں تیسرے نمبر پر رہنے والے چراغ اور ستوک نے کوارٹر فائنل میچ میں ملائیشیا کے عارف جنیدی اور یاپ رائے کنگ کو صرف 38 منٹ کے کھیل میں 21-7، 21-14 سے شکست دی۔

ٹاپ سیڈ ہندوستانی جوڑی نے اس سے قبل 2019 میں بی ڈبلیو ایف سپر 500 ایونٹ جیتا تھا۔