نئی دہلی،5جنوری(یواین آئی)کانگریس نے آج الزام لگایا کہ حکومت پارلیمنٹ کے تئیں سنجیدہ نہیں ہے اور وہ ربر اسٹیمپ کی طرح اس کا استعمال کررہی ہے۔
کانگریس کے سینئر لیڈر اور راجیہ سبھا میں اپوزیشن کےلیڈر غلام نبی آزاد اور پارٹی کے لوک سبھا رکن دیپیندر ہڈا نے یہاں پارٹی ہیڈکوارٹر میں منعقد باقاعدہ پریس بریفنگ میں نامہ نگاروں سے کہا کہ بھارتیہ جنتا پارٹی کسی بل پر پارلیمنٹ میں بحث کرانے میں یقین نہیں رکھتی ۔پارلیمانی نظام پر اس کا یقین نہیں ہے اور اس کا استعمال وہ صرف ایک ربر اسٹیمپ کی طرح کرنا چاہتی ہے۔
کانگریس لیڈر نے کہا کہ مودی حکومت کا پارلیمانی کمیٹیوں پر بھی بھروسہ نہیں ہے اور وہ صرف آرڈیننس لانے کا ریکارڈ بنا رہی ہے۔2016 میں صرف 27فیصد بل مستقل کمیٹی کو بھیجے گئے تھے جبکہ 2015 میں 71 فیصد ،2014 میں 60فیصد اور 2013 میں 65فیصد بل پارلیمنٹ کی کمیٹی کو بھیجے گئے۔اسی طرح آرڈیننس لانے کا بھی یہ حکومت ریکارڈ بنا رہی ہے۔یہ حکومت 2016میں 10آرڈیننس لے کر آئی تھی جبکہ 2015میں پانچ،2014میں سات اور 2013 میں سات آرڈیننس لائے گئے تھے۔
جاری۔یواین آئی۔اےایم۔