image
Thursday, Mar 28 2024 | Time 14:47 Hrs(IST)
Others

شہریت ترمیمی قانون اور این آر سی کے خلاف 18دسمبر کو فاربس گنج میں بڑا مظاہرہ ہوگا

شہریت ترمیمی قانون اور این آر سی کے خلاف 18دسمبر کو  فاربس گنج میں بڑا مظاہرہ ہوگا

فاربس گنج (ارریہ بہار)، 16دسمبر (یو این آئی) کسی بھی مسئلے کے حل کے لئے اتحاد کو لازمی قرار یتے ہوئے آج مقررین نے کہا کہ حکومت کے حالیہ پاس کردہ مذہبی تعصب پرمبنی شہریت ترمیمی قا نون کی ہر سطح پر مخالفت اوراین آر سی کا بائیکاٹ کرنے کی سخت ضرورت ہے یہ بات آج یہاں جمعیتہ علمائے ہند کی ممبر سازی اور 18دسمبر کے احتجاج کے لئے بھجنپور مسجد میں منعقدہ ایک پروگرام میں کہی گئی جمعیتہ علمائے ہند کے ارریہ کے نائب صد اور مدرسہ رحمانیہ ننکار کے ناظم مولانا فاروق مظہری نے تقریب کی صدارت کرتے ہوئے کہا کہ یہ قانون نہ صرف سیاہ قانون ہے بلکہ مذہبی تعصب پر مبنی قانون ہے۔ جس کی سیکولر ہندوستان میں کوئی گنجائش نہیں ہے۔انہوں نے کہاکہ ہمارا ملک کثرت میں وحدت کی علامت اور دنیا کے لئے مثال ہے جسے کچھ فرقہ پرست طاقت ختم کرنا چاہتی ہے۔ جس کے لئے آخری دم تک لڑیں گے۔
جمعیتہ کے مقامی عہدیدار مفتی یعقوب نے کہا کہ یہ قانون کس قدر ظالمانہ اور متعصبانہ ہے اس کا اندازہ اس بات سے لگایا جاسکتا ہے کہ اس کے خلاف پورے ملک میں احتجاج ہورہا ہے۔یہاں تک شمال مشرقی خطہ جہاں بیشتر علاقے کو اس سے مستثنی قرار دیا گیا ہے وہاں بھی احتجاج ہورہے ہیں۔ انہوں نے کہاکہ اس کی مخالفت کیلئے ہمیں سڑکوں پر اترنے کی ضرورت ہے۔
کلیہ فاطمتہ الزہراء ننکارکے ناظم مولانا فیروز احمد نے اس موقع پر این آر سی اور شہریت ترمیمی قانون پر روشنی ڈالتے ہوئے اس قانون کے نقصانات کے بارے میں آگاہ کیا اور کہا کہ اس کا مقصد مسلمانو ں کی زمین تنگ کرنا ہے اورڈٹینشن سنٹر میں مسلمانوں کو بند کرکے ان کے مکانات، دکان اور جائداد پر قبضہ کرنا ہے۔ انہوں نے کہاکہ یہ قانون مذہب کی بنیاد پر شہریوں کو باٹنے والا ہے۔
سیمانچل میڈیا منچ کے صدر اور صحافی عابدانور نے کہا کہ شہریت ترمیمی قانون یا این آر سی کی مخالفت سے کوئی بات نہیں بنے گی بات صرف اس کی مخالفت سے بنے گی اور تمام تنظیموں کو مشترکہ طور پر یہ اعلان کرنا چاہئے کہ اس کی ہر سطح بائیکاٹ کیا جائے گا اور کوئی بھی مسلمان این آر سی کا فارم نہیں بھرے گا۔انہوں نے کہاکہ کسی حکومت میں ہمت نہیں کہ وہ 30کروڑ مسلمانوں کو باہر کرے یاجیل یا ڈٹینشن سینٹر میں ڈال دے۔اس لئے خوف و دہشت کو سوار کئے بغیر بائیکاٹ کے بارے میں سوچئے۔
مدرسہ اصلاح المسلمین رامپورکے مہتمم اور مقامی جمعیتہ کے سربرہ مولانا غیاث الدین نعمانی نے کہاکہ مسلمانوں سے متحد ہوکر اس کی مخالفت اور بائیکاٹ کی اپیل کرتے ہوئے کہاکہ ہونے 18 دسمبر کے مظاہرے کوکامیاب بنائیں۔ خطاب کرنے والوں میں مولانا عبدالجبار، مولانا انوار عالم ندوی مولانا ارشادندوی وغیرہ نے بھی اظہار خیال کیا۔ قبل ازیں مسجد کے بچوں سے تقریر اور نعت سے سامعین کو مسحور کردیا۔
پروگرا م کی نظامت کرتے ہوئے جامعہ خیر النساء یتیم خانہ فقرنہ کے سربراہ اور جمعیتہ کے نائب سکریٹری عمر الحسن نے کہا کہ یہ وقت ہم سب کا متحد ہونے کا ہے اور اسی میں ہماری کامیابی کا راز مضمر ہے۔
واضح رہے کہ شہریت ترمیمی قانون کے خلاف جہاں ملک میں بھر میں مظاہرے ہوہے ہیں وہیں سیمانچل کے خطے خاص طور پرپورنیہ کشنگنج، ارریہ اور فاربس گنج میں مظاہرے ہورہے ہیں۔ آج ہی کمشنری سطح کا مظاہرہ پورنیہ میں ہورہا ہے جس میں ارکان اسمبلی سمیت متعدد اہم شخصیات نے حصہ لیا۔ اسی طرح کشن گنج، ارریہ اور فاربس گنج میں متعدد مظاہرے ہوچکے ہیں۔ ایس ڈی پی آئی نے آج ارریہ میں اس کے خلاف مظاہرہ کیا ہے۔18دسمبر کوفاربس گنج میں ہونے والا مظاہرہ بڑا مظاہرہ ہوگا جس صرف پانچ ہزار ہندو بھائی بھی حصہ لیں گے۔
یو این آئی۔ ع ا۔

خاص خبریں
گرودوارہ سری نانک متہ صاحب کے کار سیوا سربراہ ترسیم سنگھ کا گولی مار کر قتل

گرودوارہ سری نانک متہ صاحب کے کار سیوا سربراہ ترسیم سنگھ کا گولی مار کر قتل

نینیتال، 28 مارچ (یو این آئی) اتراکھنڈ کے ادھم سنگھ نگر میں جمعرات کی صبح گرودوارہ سری نانک متہ صاحب کے کار سیوا سربراہ بابا ترسیم سنگھ کو نامعلوم حملہ آوروں نے گولی مار کر ہلاک کر دیا۔

...مزید دیکھیں
ترسیم سنگھ قتل کیس کی تحقیقات کے لیے  ایس آئی ٹی تشکیل دی گئی

ترسیم سنگھ قتل کیس کی تحقیقات کے لیے ایس آئی ٹی تشکیل دی گئی

دہرادون، 28 مارچ (یو این آئی) اتراکھنڈ کے ادھم سنگھ نگر ضلع کے تحت واقع ممتاز سکھ گرودوارہ نانک متہ صاحب کے کارسیوا سربراہ کے قتل کیس کی اعلیٰ ترجیحی جانچ کی جائے گی۔

...مزید دیکھیں
تمل ناڈو کے ایروڈ سے لوک سبھا کے رکن گنیش مورتی کا انتقال

تمل ناڈو کے ایروڈ سے لوک سبھا کے رکن گنیش مورتی کا انتقال

چنئی، 28 مارچ (یو این آئی) تمل ناڈو کے ایروڈ حلقہ سے مرومالارچی دراوڑ منترا کژگم (ایم ڈی ایم کے) کے لوک سبھا رکن اے گنیش مورتی کا جمعرات کو کوئمبٹور کے ایک اسپتال میں انتقال ہوگیا۔

...مزید دیکھیں
کشمیر کے لوگ ہمارے ساتھ ہیں، باقی ہمیں کسی چیز کی پرواہ نہیں:بی جے پی

کشمیر کے لوگ ہمارے ساتھ ہیں، باقی ہمیں کسی چیز کی پرواہ نہیں:بی جے پی

سری نگر، 28 مارچ (یو این آئی) بھارتیہ جنتا پارٹی (بی جے پی) جموں وکشمیر کے ترجمان ڈاکٹر طاہر چودھری کا کہنا ہے کہ کشمیر کے لوگ بی جے پی کے ساتھ ہیں اور باقی ہماری پارٹی کو کسی چیز کی پرواہ نہیں ہے۔

...مزید دیکھیں
امریکہ کے بالٹی مور سے دو لاشیں برآمد

امریکہ کے بالٹی مور سے دو لاشیں برآمد

واشنگٹن، 28 مارچ (یو این آئی) امریکی شہر بالٹی مور میں پل گرنے کے مقام سے دن کے وقت ایک پک اپ ٹرک میں دو لوگوں کی لاشیں برآمد ہوئی ہیں۔

...مزید دیکھیں
گھانا میں کار حادثہ، تین پولیس اہلکار ہلاک

گھانا میں کار حادثہ، تین پولیس اہلکار ہلاک

اکرا، 28 مارچ (یو این آئی) گھانا کے تشدد زدہ علاقے میں بدھ کو ایک کار حادثے میں تین پولیس اہلکار ہلاک ہو گئے۔

...مزید دیکھیں

پی وی سندھو میڈرڈ اسپین ماسٹرز کے دوسرے راؤنڈ میں داخل

میڈرڈ، 28 مارچ (یو این آئی) ہندوستانی بیڈمنٹن اسٹار اور دو بار کی اولمپک تمغہ جیتنے والی پی وی سندھو میڈرڈ اسپین ماسٹرز 2024 بیڈمنٹن کے پہلے راؤنڈ میں کینیڈا کی وین یو ژانگ کو شکست دے کر ٹورنامنٹ کے راؤنڈ آف 16 میں پہنچ گئی ہیں۔

...مزید دیکھیں

کنگنا کے تئیں کانگریس کے نازیبا ریمارکس پر بی جے پی کارکنوں کا مظاہرہ

27 Mar 2024 | 5:10 PM

شملہ، 27 مارچ (یو این آئی) ہماچل پردیش کی منڈی پارلیمانی سیٹ سے فلم اداکارہ اور بھارتیہ جنتا پارٹی کی امیدوار کنگنا رناوت کے خلاف کانگریس لیڈر سپریا شرینیت کے سوشل میڈیا ہینڈل سے کیے گئے نازیبا ریمارکس کے سلسلے میں بدھ کو بی جے پی نے منڈی ضلع ہیڈکوارٹر میں کانگریس کے خلاف زبردست مظاہرہ کیا اور شہر میں احتجاجی ریلی نکالی۔

ہماچل میں نوجوان کی پٹائی، ملزم فرار

27 Mar 2024 | 5:12 PM

شملہ، 27 مارچ (یو این آئی) ہماچل پردیش میں شملہ ضلع کے رام پور سب ڈویژن کے بدرش علاقے میں نیپالی نژاد نوجوان کو اس کے دوستوں نے پیٹ پیٹ کر ہلاک کردیا۔

...مزید دیکھیں
image