NationalPosted at: Sep 12 2018 5:05PM گنے سے سوفیصد ایتھنال بنانے والی ملوں کو 59 روپے فی لیٹر کی قیمت ملے گی
(UDI 5 کی جگہ ترمیم شدہ)
نئی دہلی، 12 ستمبر (یو این آئی) حکومت نے چینی کی پیداوار کم کرنے اور گنے سے براہ راست ایتھینال کی پیداوار کو فروغ دینے کے لئے گنے سے سوفیصد ایتھینال گیس بنانے والی ملوں کو 59.19 روپے فی لیٹر کی قیمت دینے کا اعلان کیا ہے۔
وزیر اعظم نریندر مودی کی صدارت میں بدھ کے روز منعقدہ مرکزی کابینہ کی میٹنگ میں اس سلسلے کی تجویز کو منظوری دے دی گئی ہے۔ تیل اور قدرتی گیس کے وزیر دھرمیندر پردھان نے میٹنگ کے بعد بتایا کہ جو کمپنیاں گنے کے رس سے چینی کی پیداوار کے بجائے براہ راست سوفیصد ایتھینال بنا ئيں گي انہیں حکومت فی لیٹر 59.19 روپے کی قیمت دے گی۔ اس سے ملک میں ایتھینال کی پیداوار بڑھے گی۔
موجودہ نظام کے تحت پٹرول میں 10 فیصد تک ایتھینال ملا یا جا سکتا ہے۔ حکومت کا مقصد ایتھینال کے استعمال بڑھا کر خام تیل کی درآمد کم کرنا ہے۔ وزیر موصوف نے کہا کہ ملک میں اس وقت کثیر مقدار میں چینی کا ذخیرہ ہے اور اس فیصلے سے گنا کے کسانوں کو ا پنی فصل کی مناسب قیمت مل سکے گی۔
جاری۔ یو این آئی ۔ م ش ۔ 1625