NationalPosted at: Dec 6 2018 11:11PM این پی ایس میں پنشن میں اضافہ کو کا بینہ کی منظوری
نئی دہلی، 6دسمبر (یو این آئی) مرکزی کابینہ نے منظم شعبہ کے لئے قومی پنشن منصوبہ کے تحت پنشن میں اضافہ کو منظوری دے دی ہے لیکن حکومت نے انتخابی ضابطہ اخلاق نافذ ہونے کے پیش نظر اس کا باضابطہ طورپر اعلان نہیں کیا ۔
ذرائع نے بتایا کہ وزیراعظم نریند مودی کی صدارت میں آج کابینہ کی میٹنگ میں یہ منظوری دی گئی۔
مرکزی کابینہ کی میٹنگ میں کئے گئے فیصلے کی اطلاع دینے کے لئے منعقدہ پریس کانفرنس میں وزیر خزانہ ارون جیٹلی نے کہاکہ وزیراعظم نریند ر مودی کی صدارت میں ہوئی میٹنگ میں کئی اہم فیصلے کئے گئے ہیں لیکن راجستھان میں الیکشن کی وجہ سے ان کا باضابطہ طریقہ سے ان کا اعلان کیا جارہا ہے۔
مسٹر جیٹلی سے یہ پوچھے جانے پر قومی پنشن اسکیم کے سلسلہ میں کیا فیصلہ ہوا تو انہوں نے کہاکہ آپ خود سمجھدار ہیں۔ اس سے پہلے مسٹر جیٹلی نے کہاکہ حکومت نے کئی اہم فیصلے کئے ہیں لیکن راجستھان میں الیکشن کی وجہ سے ان کا اعلان نہیں کیا گیا ۔
اس سے پہلے محنت اور روزگار کے وزیر سنتوش کمار گنگوار نے کہاکہ کم از کم پنشن ایک ہزار سے دو ہزار روپے فی مہینہ کرنے کی تجویز وزارت خزانہ کو بھیج دی گئی ہے۔ حکومت اس پر جلد فیصلہ کرے گی۔
یو این ائی ۔ م ع۔ 2215