image
Monday, Jul 22 2024 | Time 12:29 Hrs(IST)
National

نیٹ -یوجی میں مبینہ بے ضابطگیوں کی جانچ سی بی آئی کو سونپی گئی

نیٹ -یوجی میں مبینہ بے ضابطگیوں کی جانچ سی بی آئی کو سونپی  گئی

نئی دہلی، 23 جون (یواین آئی)حکومت نے نیٹ امتحان میں دھاندلی سے متعلق معاملے کی جانچ سی بی آئی کو سونپ دی ہے، مرکزی حکومت نے نیٹ یو جی امتحان میں دھاندلی کے الزامات کو بہت سنجیدگی سے لیا ہے، جس کے بعد اس معاملے کی جانچ سی بی آئی کو سونپی گئی ہے وزارت تعلیم نے اس حوالے سے حکم نامہ جاری کر دیا ہے۔نیٹ - یو جی امتحان کے نتائج جاری ہونے کے بعد ملک کے کئی حصوں میں بڑے پیمانے پر مظاہرے ہوئے۔ حکومت نے نیشنل ٹیسٹنگ ایجنسی کے سربراہ کو عہدے سے بھی ہٹا دیا ہے، وہیں نیٹ پی جی داخلے کے امتحان کو بھی ملتوی کر دیا گیا ہے۔ حکومت نے کہا ہے کہ حکومت طلباء کے مفادات کی پابند عہدہے۔ ساتھ ہی کہا کہ اس معاملے میں قصورواروں کے خلاف سخت کارروائی کی جائے گی۔
مرکزی حکومت نے اعلیٰ طبی تعلیم کے لیے قومی اہلیت-کم-داخلہ ٹیسٹ پوسٹ گریجویٹ (نیٹ پی جی داخلہ) امتحان ملتوی کرنے کا اعلان کیا ہے۔
مرکزی وزارت صحت اور خاندانی بہبود نے ہفتہ کو یہاں یہ بات کہی۔
نیشنل ایگزامینیشن بورڈ کے نیٹ پی جی کے امتحان کو ملتوی کر دیا گیا ہے۔ امتحان کی نئی تاریخوں کا اعلان بعد میں کیا جائے گا۔ نیٹ پی جی کا داخلہ امتحان کل 23 جون کو ہونا تھا۔
وزارت نے کہا ہے کہ کچھ حالیہ داخلہ امتحانات میں بے ضابطگیوں کے واقعات کے پیش نظر اس امتحان کو ملتوی کرنے کا فیصلہ کیا گیا ہے۔ وزارت نے کہا ہے کہ امتحان کے پورے عمل کو جانچ پڑتال کے تحت رکھا جائے گا اور جلد ہی نئی تاریخوں کا اعلان کیا جائے گا۔
وزارت نے امتحان کی تاریخوں کو ملتوی کرنے پر افسوس کا اظہار کرتے ہوئے کہا ہے کہ یہ فیصلہ طلباء کے مفادات اور امتحان کی شفافیت کو مدنظر رکھتے ہوئے کیا گیا ہے۔
نیٹ امتحان کے تنازعہ کے درمیان، مرکزی حکومت نے ہفتہ کی رات این ٹی اے(نیشنل ٹیسٹنگ ایجنسی) کے ڈائریکٹر جنرل سبودھ کمار سنگھ کو ہٹا دیا ان کی جگہ پردیپ سنگھ کھرولا کو نیا ڈی جی مقرر کیا گیا ہے۔ وہ کرناٹک کیڈر کے 1985 بیچ کے ریٹائرڈ آئی اے ایس افسر ہیں۔ مسٹر پردیپ سنگھ انڈین ٹریڈ پروموشن آرگنائزیشن کے سی ایم ڈی بھی ہیں۔
یکم مئی 2024 کو، انہیں اسٹاف سلیکشن کمیشن (ایس ایس سی) کے چیئرمین کا اضافی چارج دیا گیا تھا۔ دریں اثنا، 23 جون کو ہونے والا نیٹ- پی جی امتحان بھی منسوخ کر دیا گیا ہے۔ نئی تاریخ کا اعلان بعد میں کیا جائے گا۔ اس کا انعقاد نیشنل بورڈ آف ایجوکیشن ان میڈیکل سائنسز (این بی ای ایم ایس) کے ذریعے کیا جاتا ہے۔ یہ امتحان اتوار کو 300 شہروں کے 1000 سے زیادہ مراکز پر ہونا تھا۔
قبل ازیں سہ پہر، وزارت تعلیم نے بے ضابطگیوں کو روکنے اور این ٹی اے امتحانات میں شفافیت لانے کے لیے 7 رکنی اعلیٰ سطحی کمیٹی کا اعلان کیا۔ اسرو کے سابق چیئرمین اور آئی آئی ٹی کانپور کے سابق ڈائریکٹر رادھا کرشنن اس کے سربراہ ہوں گے۔ یہ کمیٹی 2 ماہ میں رپورٹ وزارت تعلیم کو پیش کرے گی۔
یواین آئی۔ م س

خاص خبریں
شری امرناتھ جی یاترا:بھگوتی نگر بیس کیمپ سے 3 ہزار سے زیادہ یاتریوں کا ایک اور قافلہ کشمیر روانہ

شری امرناتھ جی یاترا:بھگوتی نگر بیس کیمپ سے 3 ہزار سے زیادہ یاتریوں کا ایک اور قافلہ کشمیر روانہ

جموں، 22 جولائی (یو این آئی) شری امرناتھ جی یاترا کا سلسلہ انتہائی تزک و احتشام سے جاری رہتے ہوئے جموں کے بھگوتی نگر بیس کیمپ سے پیر کی صبح بم بم بولے نعروں کے بیچ تین ہزار سے زیادہ یاتریوں کا ایک اور قافلہ کشمیر کے لئے روانہ ہوا۔

...مزید دیکھیں
راجوری میں وی ڈی سی ممبر کے گھر پر ملی ٹنٹوں کا حملہ، جوان زخمی

راجوری میں وی ڈی سی ممبر کے گھر پر ملی ٹنٹوں کا حملہ، جوان زخمی

جموں، 22 جولائی (یو این آئی) جموں و کشمیر کے ضلع راجوری میں پیر کی علی الصبح ایک ولیج ڈیفنس کمیٹی (وی ڈی سی) ممبر کے گھر پر ملی ٹنٹوں کے حملے کے خلاف جوابی کارروائی میں ایک فوجی جوان زخمی ہوا۔

...مزید دیکھیں
رام پور میں بس کی ٹکر سے چار مسافروں کی موت

رام پور میں بس کی ٹکر سے چار مسافروں کی موت

رام پور، 22 جولائی (یو این آئی) اتر پردیش میں رام پور ضلع کے ملک علاقے میں آج صبح دو مسافر بسوں کے درمیان زبردست ٹکر میں چار مسافروں کی موت جبکہ 50 دیگر زخمی ہو گئے۔

...مزید دیکھیں
بیڈنیوز نے پہلے ویک اینڈ میں 30 کروڑ روپے کمائے

بیڈنیوز نے پہلے ویک اینڈ میں 30 کروڑ روپے کمائے

ممبئی، 22 جولائی (یو این آئی) وکی کوشل، ترپتی ڈمری اور ایمی ورک کی فلم 'بیڈ نیوز' نے اپنے پہلے ہفتے کے آخر میں ہندوستانی مارکیٹ میں تقریباً 30 کروڑ روپے کی کمائی کی ہے۔

...مزید دیکھیں
مادھوری دکشت نے ڈانس ویڈیو کلپ سوشل میڈیا پر ساجھا کیا

مادھوری دکشت نے ڈانس ویڈیو کلپ سوشل میڈیا پر ساجھا کیا

ممبئی، 22 جولائی (یو این آئی) بالی ووڈ کی معروف اداکارہ مادھوری دکشت نے اپنے ڈانس کی ویڈیو کوسوشل میڈیا پر ساجھاکیا ہے۔

...مزید دیکھیں
ناٹو کے 500,000 فوجی جوان ہائی الرٹ

ناٹو کے 500,000 فوجی جوان ہائی الرٹ

بروسلز، 22 جولائی (یو این آئی) ناٹو کی ترجمان فرح دخل اللہ نے کہا کہ ناٹو کے 500,000 سے زیادہ فوجی اہلکار اس وقت ہائی الرٹ پر ہیں۔

...مزید دیکھیں
امریکی صدر جو بائیڈن دوبارہ انتخاب کی دوڑ سے دستبردار، نائب صدر کملا ہیرس کی تائید

امریکی صدر جو بائیڈن دوبارہ انتخاب کی دوڑ سے دستبردار، نائب صدر کملا ہیرس کی تائید

واشنگٹن، 22 جولائی (یو این آئی) امریکی صدر جو بائیڈن نے اتوار کے روز اعلان کیا کہ وہ دوبارہ انتخاب کی دعویداری سے دستبردار ہو جائیں گے اور نائب صدر کملا ہیرس کو ڈیموکریٹک پارٹی کی طرف سے نامزد امیدوار کے طور پر صدارتی عہدے کے لیے تائید کرنے کا عندیہ ظاہر کیا۔

...مزید دیکھیں

نیتن یاہو فلسطین پر مذاکرات کو امریکی صدارتی انتخابات تک موخر کر سکتے ہیں

22 Jul 2024 | 11:18 AM

یروشلم، 22 جولائی (یو این آئی) اسرائیل غزہ کی پٹی میں جنگ بندی پر فلسطینی تحریک حماس کے ساتھ مذاکرات کو نومبر میں ہونے والے امریکی صدارتی انتخابات تک موخر کر سکتا ہے، کیونکہ اسرائیلی وزیر اعظم نیتن یاہو کا خیال ہے کہ انتخابات کے بعد غزہ تنازع پر اسرائیل اور امریکہ کا موقف تبدیل ہو سکتا ہے۔

کشتواڑ میں زلزلے کے ہلکے جھٹکے، کوئی نقصان نہیں

20 Jul 2024 | 7:38 PM

جموں،20جولائی(یو این آئی) جموں وکشمیر کے ضلع کشتواڑ میں ہفتے کے روززلزلے کے ہلکے جھٹکے محسوس کئے گئے تاہم کسی نقصان کی کوئی اطلاع نہیں ہے۔

...مزید دیکھیں
image