RegionalPosted at: Dec 15 2018 7:42PM چھتیس گڑھ کے نئے وزیر اعلی کے نام کا اعلان آج
رائے پور، 15 دسمبر (یو این آئی) چھتیس گڑھ میں دو تہائی سے زیادہ اکثریت حاصل کرکے 15 سال بعد اقتدار میں واپسی کرنے والی کانگریس کے نو منتخب اراکین اسمبلی کی آج شام یہاں ہونے والی میٹنگ میں نئے وزیر اعلی کے نام پر مہر ثبت کردی جائے گی۔
کانگریس صدر راہل گاندھی کی آج پھر سے دہلی میں دعویداروں کے ساتھ میٹنگ ہوئی ۔ اس کے بعد وہاں سے سبھی خصوصی طیارے کے ذریعہ رائے پور کے لئے روانہ ہو گئے۔ مسٹر گاندھی نے آج بھی دعویداروں سے علیحدہ علیحدہ بات کی، اور بعد میں سبھی کے ساتھ میٹنگ کی۔ مشترکہ میٹنگ میں سب نے مسٹر گاندھی کو یقین دلایا کہ ان کا جو بھی فیصلہ ہو گا، سبھی اسے تسلیم کریں گے۔
ذرائع کے مطابق مسٹر گاندھی کی طرف سے طے کئے گئے نام کے ساتھ ریاست کے لئے مقرر پارٹی آبزرور مسٹر ملک ارجن کھڑگے اور ریاست کے انچارج پی ایل پونیا دعویداروں کے ساتھ شام پانچ بجے ریاستی کانگریس کے دفتر میں ہونے والی اراکین اسمبلی کی میٹنگ میں پہنچیں گے۔ وہاں دعویدار ہی مسٹر گاندھی کی طرف سے طے کیا گیانام لیڈر کے عہدے کے لئے پیشکش کریں گے اور اسے ممبر اسمبلی منظور کریں گے۔
گزشتہ اسمبلی انتخابات میں پارٹی کی شکست کے فورا بعد ریاستی صدر کی ذمہ داری سنبھالنے والے مسٹر بھوپیش بگھیل وزیر اعلی کے سب سے مضبوط دعویدار ہے جبکہ کانگریس ورکنگ کمیٹی کے رکن تامردھوج ساہو کو بھی اس عہدے کا دعویدار سمجھا جا رہا هے۔درگ سے ممبر پارلیمنٹ مسٹر ساہو نے نامزدگی کے آخری لمحات میں پارٹی صدر مسٹر گاندھی کی ہدایت پر اسمبلی کا انتخاب لڑا تھا۔
ریاست کے مشہور سی ڈی معاملے میں مسٹر بگھیل کو جیل بھی جانا پڑا۔اس كے باوجود انہوں ریاست میں پارٹی کو مضبوط بنانے کی کوشش كي۔ مسٹر بگھیل غیر منقسم مدھیہ پردیش میں دگ وجے حکومت اور چھتیس گڑھ کے قیام کے بعد جوگی حکومت میں وزیر رہ چکے ہیں۔ اس عہدے کے ایک اور اہم دعویدار اپوزیشن لیڈر مسٹر سنگھ دیو نے انتخابی مہم شروع ہونے سے پہلے تک مسٹر بگھیل کے ساتھ کام کیا اور جدوجہد میں ان کے ساتھ رهےآخری وقت میں دونوں کے درمیان کچھ تلخی پیدا ہونے کی خبریں سامنے آئی تھیں۔
اس عہدے کے اہم دعویدار سابق مرکزی وزیر ڈاکٹر مهنت مدھیہ پردیش میں طویل عرصے تک وزیر رہ چکے هیں۔ انہیں سب کو ساتھ لے کر چلنے والا رہنما سمجھا جاتا هے۔عہدے کے تین دعویدار مسٹر بگھیل ، مسٹر ساہو اور مسٹر مہنت دیگر پسماندہ طبقات سے جبکہ واحد دعویدار سنگھ دیو کا تعلق جنرل زمرے سے هے۔مسٹر سنگھ دیو سرگوجا کے سابق راجا ہیں۔
یو این آئی۔ این یو۔