ممبئی، 8 دسمبر (یو این آئی) بھوجپوری سنیما کے چاکلیٹی اسٹار پردیپ پانڈے چنٹو کی فلم ’مائی بابو جی کے آشیروادُ 10 دسمبر کو ریلیز ہوگی ورلڈ وائیڈ ریکارڈز کی پیشکش پردیپ پانڈے چنٹو کی آنے والی بھوجپوری فلم ’مائی بابو جی کے آشیرواد‘ 10 دسمبر کو ریلیز ہوگی حال ہی میں اس فلم کا ٹریلر ریلیز کیا گیا تھا، جسے ناظرین کا کافی زوردار رسپانس ملا ہے اس فلم کے ٹریلر میں پردیپ پانڈے، چنٹو سنچیتا بنرجی، کاجل یادو، اودھیش مشرا، سدھا جھا، انیتا راوت، کرن پانڈے اور کئی بڑے اداکار نظر آ رہے ہیں۔

ورلڈ وائیڈ فلم پروڈکشن کے بینر تلے بننے والی اس فلم کے پروڈیوسر پردیپ سنگھ، پرتیک سنگھ ہیں جبکہ ڈائرکٹر رفیق لطیف شیخ ہیں۔
پروڈیوسر پردیپ سنگھ اور پرتیک سنگھ نے بتایا کہ مائی بابو جی کے آشیرواد پوری طرح ایک خاندانی پس منظر کی کہانی ہے۔
اپنے نام کے مطابق یہ ایک صاف ستھری تفریحی فلم ہے۔
پردیپ پانڈے چنٹو کا کردار اور اس کا لُک کافی مختلف ہے۔

پردیپ پانڈے چنٹو نے کہا کہ فلم ’مائی بابو جی کے آشیرواد‘ کی کہانی کافی دمدار ہے، جس میں سماج کے لیے ایک پیغام بھی ہے۔
زندگی میں والدین کا آشیرواد حاصل کرنا کتنا ضروری اور اہم ہوتا ہے۔
فلم کی ون لائن اسٹوری اسی بات کے گرد گھومتی ہے۔
دراصل اس فلم میں میرا کردار بالکل ایسا ہی ہے جیسا کہ میں حقیقی زندگی میں اپنے والدین سے پیار کرتا ہوں۔
زندگی میں والدین سے زیادہ اہم کوئی نہیں۔
تو ان کے تئیں ہمارے جذبات، بیٹے کے جذبات کیا ہونے چاہئیں، یہ اس فلم کی کہانی ہے۔

یو این آئی۔
این یو۔