NationalPosted at: Aug 13 2019 6:07PM پوری نے 2020 سے صفائی سروے شروع کیا
نئی دہلی، 13 اگست (یو این آئی) رہائشی اور شہری امور کے مرکزی وزیر ہردیپ سنگھ پوری نے ’صفائی سروے 2020‘کا آغاز کرتے ہوئے آج کہا ہے کہ اس کے ذریعے شہروں کی پائیدار ترقی اور صفائی کی نگرانی کے نظام کی جانچ ہوگی۔
مسٹر پوری نے یہاں ایک پروگرام میں صفائی سروے 2020 کے پانچواں ایڈیشن کو جاری کرتے ہوئے کہا کہ اس کی بنیاد ڈیجٹل ہوگی اور اس سروے میں جدید ٹیکنالوجی اہم کردار ادا کرے گی۔ اس کے ساتھ ہی سوچھ بھارت مشن واٹر پلس سمیت کئی ایپس بھی جاری کئے گئے۔
پروگرام میں صفائی سروے پر ایک خصوصی نغمہ بھی جاری کیا گیا جسے اداکارہ کنگنا راوت ، گیت نگار کیلاش کھیر اور مونالی ٹھاکر پر فلمایا گیا ہے۔ اس موقع پر وزارت کے سکریٹری درگا شنکر مشرا ، جوائنٹ سکریٹری وی کے جندل اور وزارت کے دیگر اعلی افسران موجود تھے۔
مسٹر پوری نے کہا کہ اس سروے کا مقصد شہروں میں صفائی سے متعلق پائیدار ترقی کی جانچ کرنا اور خدمات کی نگرانی کرنا ہے۔ یہ سروے جنوری تا فروری 2020 میں کیا جائے گا۔
یو این آئی۔ ع ا۔