NationalPosted at: Sep 21 2019 9:24PM ساحل محافظ دستہ نے کارنکوبار سے 300کروڑ روپے کی منشیات برآمد کیں
نئی دہلی، 21ستمبر (یو این آئی) ہندستانی ساحل محافظ دستہ نے ایک بڑی کارروائی کرتے ہوئے کار نکوبار کے نزدیک میانمار کے ایک مشتبہ جہاز سے 300کروڑ روپے کی قیمت کی ممنوعہ منشیات کیٹامن برامد کی ہے۔
ساحل محافظ دستہ کے ایک ترجمان نے بتایا کہ دستہ کے ایک جہاز نے 18ستمبر کو ہندستان کے خصوصی اقتصادی زون میں ایک مشتبہ جہاز کو دیکھا جو وی ایچ ایف اشاروں کا جواب نہیں دے رہا تھا۔ اس کے بعد دستہ کے جہاز کو اس جہاز کا پیچھا کرنے کی ہدایت دی گئی اور اس نے 19ستمبر کو جہاز کے ملازمین کے بارے میں معلومات حاصل کیں اور اس کی تلاشی لی۔ اس پر سوار ملازمین نے بتایا کہ انہوں نے 14ستمبر کو میانمار کی خلیج دامسان سے اپنا سفر شروع کیا تھا اور انہیں 21ستمبر کو تھائی لینڈ۔ ملائشیا سرحد پر ایک کشتی کو یہ سامان دینا تھا۔
ساحل محافظ دستہ نے جب 20ستمبر کو اس جہاز پر لدی بوریوں کی جانچ کی تو اسے ان 57بوریوں میں کچھ مشتبہ سامان ملا۔
جہاز راج ویر اپنے ساتھ میانمار کے چھ شہریوں کو لیکر پورٹ بلیئر 21ستمبر کو پہنچا اور تکنیکی خرابی کی وجہ سے وہ میانمار کا جہاز 20ستمبر کو ڈوب گیا تھا۔ بعد میں اس معاملہ میں نارکوٹکس بیورو اور مقامی پولیس نے مل کر جانچ کی۔ گزشتہ پانچ برسوں میں ساحل محافظ دستہ نے چھ ہزار کروڑ روپے کی منشیات برآمد کی ہیں۔
یو این آئی۔ م ع۔ 2000