نئی دہلی، 27 مئی (یو این آئی) بھارتیہ جنتا پارٹی (بی جے پی) نے کانگریس کے سابق صدر راہل گاندھی پر آج الزام لگایا کہ وہ پورے کورونا بحران دور میں ملککے تئیں انتہائی غیر ذمہ دارانہ رویہ اپنایا اور اپنے سیاسی فائدے کے لئے لوگوں کے حوصلے کو گرانے اور ملک کو گمراہ کرنے کی کوشش کی ہے۔
بی جے پی کے سینئر لیڈر اور روی شنکر پرساد نے یہاں پریس کانفرنس میں مسٹر گاندھی کے مارچ سے لے کر اب تک مختلف مسائل پر اظہار کئے گئے خیالات کا سلسلہ وار ذکر کرتے ہوئے کہا، ”مسٹر گاندھی کے تبصرے بتاتے ہیں کہ مسٹر گاندھی نے انتہائی غیر ذمہ دارانہ رویے کا ثبوت دیا ہے، ملک کو گمراہ کیا ہے اور جھوٹ پھیلا کر سیاسی مفاد حاصل کرنے کی کوشش کی ہے“۔
مسٹر پرساد نے کہا کہ کورونا کی تکلیف دہ بیماری میں ملک مسٹر مودی کے ساتھ کھڑا ہے۔ ہمیں کامیابی ملی ہے۔ پر کانگریس لیڈر کا کام لوگوں کے حوصلے کو گرانا اور اس کا سیاسی فائدہ اٹھانا ہے۔ کاش مسٹر گاندھی ملک کے فائدے کے لئے کھڑے ہوتے۔
انہوں نے کہا کہ چین کو چھوڑ کر کورونا سے متاثر دنیا کے 15 بڑے ممالک کی کل آبادی 142 کروڑ ہے اور ان ممالک میں اب تک تین لاکھ 43 ہزار 562 لوگوں کی موت ہو چکی ہے جبکہ ہندوستان کی 137 کروڑ کی آبادی میں 4345 اموات ہوئیں ہیں۔ہندوستان میں 61 ہزار 239 افراد صحت مند بھی ہو چکے ہیں ط انہوں نے کہا کہ کورونا کی کوئی دوا نہیں ہے۔ صرف دعا ہے اور لاک ڈاؤن ہے۔ وزیر اعظم نریندر مودی نے جو ہمت دکھائی اور’فرنٹ فٹ‘ آکر ملک کو جیسا قیادت کی، اسی کا نتیجہ یہ کامیابی ہے۔
یو این ائی۔ ع ا۔