نئی دہلی، 13 اگست (یواین آئی) ملک میں گذشتہ 24 گھنٹوں میں 942 کورونا متاثرین کی موت کے بعد کورونا شرح اموات 1.96
فیصد ہوگئی ہے۔
جمعرات کو صحت اور خاندانی بہبود کی مرکزی وزارت کی جانب سے جاری کردہ اعداد و شمار کے مطابق 12 اگست کو پورے ملک میں 942 کورونا متاثرہ افراد ہلاک ہوچکے ہیں ۔ اب تک اس وائرس کی زد میں آکر ہلاک ہونے والوں کی تعداد 47 ہزار سے زائد 47,033 ہوگئی ہے۔
گذشتہ 24 گھنٹے کے دوران سب سے زیادہ 344 کورونا متاثرین نے مہاراشٹر میں دم توڑ دیا۔ اس کے علاوہ تمل ناڈو میں 119، کرناٹک میں 112، آندھرا پردیش میں 93، اترپردیش میں 54، مغربی بنگال میں 54، دہلی میں 14، گجرات میں 18، مدھیہ پردیش میں 15، پنجاب میں 39، تلنگانہ میں 11، راجستھان میں 11 کورونا متاثرہ افراد ہلاک ہوچکے ہیں۔
12 اگست کو آسام، بہار، چھتیس گڑھ، گوا، ہریانہ، جموں و کشمیر، جھارکھنڈ، کیرالہ، اڈیشہ، پدوچیری، تریپورہ اور اتراکھنڈ میں 10 سے کم کورونا کےمریض فوت ہوئے ہیں۔ گذشتہ 24 گھنٹوں کے دوران اینڈمان نیکوبار، اروناچل پردیش، چنڈی گڑھ، ہماچل پردیش، دادر نگر حویلی اور دمن دیو، لداخ، منی پور، میگھالیہ، ناگالینڈ اور سکم میں ایک بھی کورونا متاثر کی موت نہیں ہوئی۔
پورے ملک میں میزورم واحد ریاست ہے جہاں ایک بھی کورونا متاثر کی موت نہیں ہوئی ہے۔
یواین آئی۔ ایم اے۔