NationalPosted at: Aug 1 2020 5:49PM ملک میں کورونا ریکوری کی شرح 64.53 فیصد ہے
نئی دہلی، یکم اگست (یو این آئی) ملک بھر میں گذشتہ 24 گھنٹوں کے دوران، 36569 افراد کورونا وائرس کے انفیکشن سے آزاد ہوئے ہیں جس سے ملک میں کورونا ری کوری کی شرح 64.53 فیصد ہوگئی ہے۔
ہفتہ کو صحت و خاندانی بہبود کی مرکزی وزارت کی طرف سے جاری کردہ اعداد و شمار کے مطابق یہ لگاتار نواں دن ہے جب ہر روز کورونا سے آزاد ہونے ولاے مریضوں کی تعداد 30000 سے زیادہ رہی ہے۔ کنٹینمنٹ زون کو نشان زد کرنے کی حکمت عملی، تحقیقات کی تیز رفتاری اور معیاری طبی انتظامیہ سےشفایابی کی شرح کے اعداد و شمار قابل اطمینان ہیں۔
وزارت کے جاری کردہ اعداد و شمار کے مطابق، ملک میں انفیکشن کے 565103 فعال معاملے ہیں اور اب تک 1094374 افراد انفیکشن سے پاک ہوچکے ہیں۔ ملک بھر میں گذشتہ 24 گھنٹوں کے دوران 57117 لوگوں میں انفیکشن کی تصدیق ہوئی ہے۔ انفیکشن کے فعال معاملات اور اب تک اسپتالوں سے چھٹی ہونے والے مریضوں کی کل تعداد کے درمیان خلاء بڑھ کر 529271 ہو گیا ہے۔
گذشتہ 24 گھنٹوں کے دوران مہاراشٹرا میں 7543، تمل ناڈو میں 5778، آندھرا پردیش میں 3840، کرناٹک میں 3094، اترپردیش میں 208، آسام میں 2008، دہلی میں 1277، ہریانہ میں 887، کیرل میں 864، گجرات میں 833، تلنگانہ میں 816 اور اوڈیشہ میں 772 مریض کورونا سے صحت یاب ہوئے ہیں۔
جاری۔یو این آئی۔ این یو۔