InternationalPosted at: Jul 6 2020 11:24PM ملک میں کورونا کے معاملے 7.18لاکھ سے زیادہ، ریکوری شرح 61فیصد سے زیادہ
نئی دہلی، 6جولائی (یو این آئی) ملک میں عالمی وبا کورونا وائرس (کووڈ۔19) کے معاملات 7.18لاکھ کا اعدادو شمار پارکرنے کے ساتھ ہی ہندستان نے پوری دنیا میں سب سے زیادہ متاثرہ ممالک کی فہرست میں پیر کو بھی تیسرے نمبر پر موجودگی برقرار رکھی لیکن راحت کی بات یہ ہے کہ مریضوں کے صحت یاب ہونے کی شرح 61فیصد سے زیادہ ہوگئی۔
ملک میں آج مریضوں کے صحت یاب ہونے کی شرح بڑھ کر 61.16فیصد پر پہنچ گئی جبکہ مرنے والوں کی شرح محض 2.81فیصد رہی۔ اتوار کو متاثرین کے صحت یاب ہونے کی شرح 60.82فیصد رہی جبکہ مرنے والوں کی شرح محض 2.83فیصد رہی۔
’کووڈ 19انڈیا ڈاٹ او آر جی‘ کے اعداد وشمار کے مطابق ملک میں کورونا انفیکشن کے 718872معاملات کی آج تک تصدیق ہوچکی ہے جبکہ صبح یہ تعداد 697413تھی۔ اب تک مجموعی طورپر 439716مریض صحت یاب ہوئے ہیں جبکہ 20171لوگوں کی اس بیماری سے موت ہوچکی ہے دیگر 258902مریضوں کا مختلف اسپتالوں میں علاج کیا جارہا ہے۔
جاری یو این آئی۔ م ع۔ 2315