NationalPosted at: May 30 2020 10:44PM کورونا مریضوں کے صحت یاب ہونے کی شرح 46.88فیصد
نئی دہلی، 28مئی (یو این آئی) ملک میں کورونا وائرس کا قہر مسلسل بڑھ رہا ہے اور اب متاثرین کی مجموعی تعداد 1.80لاکھ سے زیاد ہوگئی ہے لیکن راحت کی بات یہ ہے کہ صحت یاب ہونے والوں کی تعداد میں بھی زبردست رضافہ ہوا اور لوگو ں کے صحت یاب ہونے کی شرح 46.88فیصد پر پہنچ گئی ہے جبکہ اموات کی شرح2.84فیصد رہی۔
جمعہ کو متاثرہ مریضوں صحت یاب ہونے کی شرح 42.88فیصد تھی جبکہ اموات کی شرح صرف 2.83تھی۔ اس سے پہلے جمعرات کو متاثرہ مریضوں کے صحت یاب ہونے کی شرح 42.60فیصد تھی جبکہ اموات کی شرح 2.85تھی۔
’کووڈ 19انڈیاڈاٹ اوآر جی‘ کے اعدادو شمار کے مطابق ملک میں کووڈ۔19کے 180854معاملات کی تصدیق ہوچکی ہے۔آج صبح یہ تعداد 173763تھی۔ اب تک مجموعی طورپر 84792مریض صحت یاب ہوئے ہیں جبکہ 5144لوگوں کو بچایا نہیں جاسکا۔ دیگر 90907مریض زیرعلاج ہیں۔
صحت اور خاندانی فلاح و بہبود کی مرکزی وزارت کی جمعہ کو جاری اعدادو شمار کے مطابق ملک کی ریاستوں اور مرکز کے زیرانتظام ریاستوں میں اس انفیکشن سے اب تک 173763لوگ متاثر ہوئے ہیں اور 4971 لوگوں کی موت ہوئی ہے۔ ملک میں 82370لوگ اس بیماری نجات پانے میں کامیاب ہوئے تھے۔
جاری یو این آئی۔ م ع۔2205