نئی دہلی، 28 نومبر (یو این آئی) ملک میں گذشتہ 24 گھنٹوں میں کورونا وائرس ’کووِڈ۔19‘ کے 31,084 نئے کیسز سامنے آنے کے بعد متاثرین کی تعداد 94 لاکھ سے بڑھ کر 93,82,308 ہو گئی جبکہ تشویش کی بات یہ ہے کہ اس دوران کورونا سے نجات پانے والے افراد کی تعداد میں کمی آنے سے فعال کیسز میں ایک بار پھر سے کمی درج کی گئی ہے۔
مختلف ریاستوں سے ہفتے کی دیر رات تک موصول رپورٹس کے مطابق ملک میں گذشتہ 24 گھنٹوں میں فعال کیسز میں 1,190 کی کمی درج کی گئی ہے جس سے یہ تعداد بڑھ کر 4,53,750 ہو گئی ہے۔
ملک میں کورونا کے بڑھتے کیسز کے درمیان تشویش کی بات یہ ہے کہ نئے کیسز کے مقابلے صحتیاب ہونے والوں کی تعداد میں کمی آنے سے ریکوری شرح میں جزوی کمی درج کی گئی اور اب یہ 93.68 فیصد ہو گئی ہے۔
گذشتہ 24 گھنٹوں میں 30,924 صحتیاب ہوئے ہیں؛ مجموعی طور پر کورونا کو شکست دینے والوں کی تعداد بڑھ کر 87,89,810 ہوگئی ہے۔ دریں اثناء مزید 361 مریضوں کی موت ہونے سے ہلاکتوں کے اعداد و شمار بڑھ کر 1,36,599 ہوگئے ہیں۔ ملک میں فعال کیسز کی شرح 4.83 فیصد جبکہ شرح اموات بھی محض 1.45 فیصد پر بدستور ہے۔
مہاراشٹر میں فعال کیسز میں مزید 2,006 اضافہ مہاراشٹر میں ہوا ہے۔ مہاراشٹر میں فعال کیسز کی تعداد بڑھ کر اب 87,969 ہو گئی ہے۔ ریاست میں گذشتہ 24 گھنٹوں میں کورونا کے 6,185 نئے کیسز کے سامنے آنے سے متاثرین کی کل تعداد بڑھ کر 18 لاکھ سے بڑھ کر 18,08,550 ہو گئی ہے۔
دریں اثناء میں مزید 4,089 مریضوں کے صحتیاب ہونے سے اس وائرس سے نجات پانے والوں کی تعداد 16,72,627 ہو گئی ہے اور مزید 85 مریضوں کی موت ہونے سے ہلاکتوں کے اعداد و شمار 46,898 ہو گئے۔ ریاست میں مریضوں کے صحتیاب ہونے کی شرح جزوی کمی کے ساتھ 92.48 فیصد ہو گئی جبکہ شرح اموات محض 1.45 فیصد ہے۔
کورونا وائرس کے معاملے میں ہندوستان پوری دنیا میں امریکہ کے بعد دوسرے مقام پر ہے۔ امریکہ میں متاثرین کی کل تعداد تقریباً ایک کروڑ سے زائد 1,30,95,813 ہو گئی ہے۔ حالانکہ ہندوستان امریکہ سے ابھی بھی 37.13 لاکھ کیسز سے پیچھے ہے۔ ملک میں نئے کیسز کی تعداد میں مسلسل کمی آ رہی ہے جبکہ امریکہ میں متاثرین کی تعداد تیزی سے بڑھتی جا رہی ہے جس کے سبب دونوں ملکوں کے درمیان فرق بھی بڑھتا ہی جا رہا ہے۔
یو این آئی،ایم اے۔