OthersPosted at: Apr 8 2021 9:27AM خطہ مراٹھواڑہ میں کورونا وائرس کے مزید 6،179 نئےکیسز اور 91ہلاکتیں
اورنگ آباد ،8 (اپریل (یواین آئی) ریاست مہاراشٹر کے خطہ مراٹھواڑہ میں کورونا وائرس (کووڈ- 19) کی وبا سنگین شکل اختیار کرتی جارہی ہے اوراس خطہ میں یومیہ کیسز میں روز بروز اضافہ ہورہاہے ۔ گذشتہ 24 گھنٹوں کے دوران علاقہ میں کورونا کے 6،179 نئے کیسز رپورٹ ہوئے ہیں، جبکہ 91 مریضوں کی جانیں گئی ہیں۔
یہ اطلاع علاقہ کے ہیلتھ افسران نے آج یہاں دی۔
علاقہ کے تمام ضلع صدر دفاتر سے ملنے والے اعداد و شمار کے مطابق خطہ کے 8 اضلاع میں سے اورنگ آباد گزشتہ24گھنٹوں کے دوران سب سے زیادہ متاثر رہا ، جہاں وائرس کے 1،407 نئے کیسز رپورٹ ہوئے اور 31 مریضوں کی موت ہوگئی۔ اس کے بعد ضلع ناندیڑ میں 1،255 نئے کیسز اور 26 افراد کی موت ، ضلع پربھنی میں 684 کیسز اور 12 ہلاکتیں، ضلع بیڈ میں 587 نئے کیسز اور 10 اموات ، ضلع جالنا میں 614 نئے کیسز اور 6 اموات ،ضلع عثمان آباد میں 468 نئے کیسزاور پانچ اموات ،ضلع ہنگولی میں 195 نئے کیسزاور ایک شخص کی موت اور ضلع لاتور میں 969 نئے کیسز رپورٹ ہوئے ہیں۔
یواین آئی،اظ