اورنگ آباد ، 22 ستمبر (یواین آئی) گذشتہ 24 گھنٹوں کے دوران ، مہاراشٹر کے مراٹھواڑا خطے کے آٹھ اضلاع میں کورونا وائرس کے وبا سے مزید 47 افراد لقمہ اجل بن گئے اور وبا کے مزید 1،187 نئے کیسز رپورٹ ہوئے ہیں۔یہ اطلاع اضلاع کے ہیلتھ افسران نے دی۔
الگ الگ ضلعی صدر دفاتر سے موصولہ اعداد و شمار کے مطابق آٹھ اضلاع میں کورونا سے بری طرح متاثر اورنگ آباد رہا جہاں سب سے زیادہ 317 کورونا کےنئے کیسز رپورٹ ہوئے اور 13 افراد کی موت ہوگئی ، اس کے بعد ضلع لاتور میں 285 نئے کیسز اور 10 افراد کی موت ہوئی ۔ ضلع بیڈ میں 133 نئے کیسز اور سات اموات ، عثمان آباد میں114 نئے کیسز اور سات اموات ،ضلو ناندیڑ میں 167 نئے کیسز اور پانچ اموات ، ضلع جالنہ میں 79 نئے کیسز اور دو اموات،ضلع پربھنی میں72 نئے کیسز اوردو اموات اور ضلع ہنگولی میں 20 نئے کیسز اور ایک موت کا کیس سامنے آیا ہے۔
یواین آئی،اظ