واشنگٹن / ریو ڈی جنیرو / نئی دہلی، یکم دسمبر (یو این آئی) عالمی وبا کورونا وائرس (کووڈ۔ 19) سے اب تک دنیا بھر میں لگ بھگ 6.32 کروڑ افراد متاثر جبکہ 14.66 لاکھ سے زیادہ افراد ہلاک ہوچکے ہیں۔
جان ہاپکنز یونیورسٹی کے سائنس اور انجینئرنگ کے مرکز (سی ایس ایس ای) کے جاری کردہ اعداد و شمار کے مطابق دنیا کے 191 ممالک میں کورونا وائرس نے اب تک 63189103 افراد کو متاثر کیا ہے اور اس سے 1466762 افراد کو ہلاک چکے ہیں۔
کورونا سے سب سے زیادہ متاثرہ امریکہ میں اب تک 13.5 کروڑ سے زیادہ افراد متاثر ہوئے ہیں اور 267987 مریض لقمہ اجل بن چکے ہیں۔
ہندوستان میں گذشتہ 24 گھنٹوں کے دوران 31118 نئے معاملے رپورٹ ہوئے اور متاثرہ افراد کی تعداد تقریباً 94.62 لاکھ تک پہنچ گئی۔ وہیں صحت مند ہونے والے افراد کی تعداد 88.89 لاکھ سے زیادہ ہوگئی ہے جبکہ ہلاک ہونے والوں کی تعداد بڑھ کر 137621 ہوگئی ہے وہیں مزید 482 مریضوں کی ہلاکت ہوئی ہے۔ ملک میں اس وقت کورونا کے 4.35 لاکھ فعال معاملے ہیں۔
برازیل میں کورونا وائرس سے متاثرہ افراد کی تعداد 63.36 لاکھ ہوگئی ہے جبکہ 173120 افراد لقمہ اجل بن چکے ہیں۔ روس میں، کورونا سے متاثرہ افراد کی تعداد بڑھ کر 22.76 لاکھ ہوگئی ہے اور اب تک 39491 افراد ہلاک ہوچکے ہیں۔ فرانس میں 22.75 لاکھ سے زیادہ افراد متاثر ہیں اور 52819 مریض فوت ہوچکے ہیں۔ اسپین میں اس وبا سے 16.48 لاکھ سے زیادہ افراد متاثر ہوئے ہیں اور 45069 افراد ہلاک ہوگئے ہیں۔ اب تک برطانیہ میں 16.34 لاکھ افراد متاثر اور 58545 افراد لقمہ اجل بن چکے ہیں۔ یوروپی ملک اٹلی میں 16.01 لاکھ سے زیادہ افراد متاثر ہوئے ہیں اور 55575 افراد لقمہ اجل بن چکے ہیں۔
جاری۔یو این آئی۔ این یو۔