كینبرا، 28 فروری (یو این آئی ) ساره گلین (15 رن دے کر تین وکٹ) اور انيا شربسول (25 رن دے کر تین وکٹ) کی دھاردار بولنگ کی بدولت انگلینڈ نے پاکستان کو آئی سی سی خاتون ٹی -20 ورلڈ کپ کے گروپ بی میچ میں 42 رنز سے ہرا دیا۔
ٹاس ہار کر پہلے بلے بازی کرنے اتری انگلینڈ نے کپتان هيتھر نائٹ کے 47 گیندوں میں آٹھ چوکوں اور ایک چھکے کی مدد سے 62 رنز اور نتالی شور کے 29 گیندوں میں پانچ چوکوں کے سہارے 36 رن کی اننگز کی مدد سے 20 اوور میں سات وکٹ پر 158 رنز بنائے۔

ہدف کا تعاقب کرنے اتری پاکستان کی ٹیم کی جانب سےعالیہ ریاض نے 33 گیندوں میں پانچ چوکوں اور ایک چھکے کی مدد سے 41 رن بنائے لیکن اپنی ٹیم کو جیت نہیں دلا سکی۔