Sports » CricketPosted at: Apr 13 2017 7:16PM نوجوانوں کے ایک تھپڑ کے بدلے 100 جہادیوں کو مارو: گمبھیر
Gambhir نئی دہلی، 13 اپریل (یو این آئی ) اپنے بیباک اسٹائل کے لیے شہ سرخیوں میں رہنے والے کولکاتا نائٹ رائڈرس کے کپتان گوتم گمبھیر نے آزادی کے نعرے لگانے والے اور مرکزی ریزرو پولیس فورس (سی آر پی ایف) کے جوانوں پر پتھروں سے حملہ کرنے والے کشمیر کے نوجوانوں پر کرارا حملہ بولتے ہوئے کہا کہ ایسے لوگوں کو ملک چھوڑ کر چلے جانا چاہیے۔
ہندوستانی کھلاڑی نے ملک مخالف سرگرمیوں میں ملوث لوگوں اور آزادی کا مطالبہ کرنے والے نوجوانوں کو بھی جم کر لتاڑا اور کہا کہ کسی ایک ہندستانی جوان کو پہنچنے والی چوٹ کے بدلے 100 جہادیوں کو موت کے گھاٹ اتارا جانا چاہیے۔
گمبھیر نے آپ ٹوئٹر پر لکھا کہ ہمارے ہر جوان کے چہرے پر پڑنے والے تھپڑ کے بدلے کم سے کم 100 جہادیوں کی جان لی جانی چاہیے۔