کرائسٹ چرچ، 29 فروری (یو این آئی ) سلامی بلے باز پرتھوی شا (54)، چتیشور پجارا (54) اور هنوما وهاري (55) کی نصف سنچریوں کے باوجود دنیا کی نمبر ایک ٹیسٹ ٹیم ہندستان دوسرے اور آخری کرکٹ میچ کے پہلے دن ہفتہ کو مایوس کن کارکردگی کا مظاہرہ کرتے ہوئے نیوزی لینڈ کے خلاف پہلی اننگز میں 63 اوور میں 242 رن پر سمٹ گئی۔
نیوزی لینڈ نے اس کے جواب میں پہلی اننگز میں دن کا کھیل ختم ہونے تک 23 اوور میں بغیر کوئی وکٹ کھوئے 63 رن بنا لئے ہیں اور وہ ہندستان کے اسکور سے 179 رنز پیچھے ہے۔
بلے بازوں کی طرح ہندوستانی گیند بازوں نے بھی مایوس کیا اور وہ دن کے کھیل میں کیوی ٹیم کا کوئی وکٹ نہیں نکال سکے۔