سپریم کورٹ نے ٹھاکر اور شرکے کو 'بولڈ'کیا

نئی دہلی، 02 جنوری (یواین آئی) سپریم کورٹ نے پیر کو ایک تاریخی فیصلہ سناتے ہوئے ہندوستانی کرکٹ کنٹرول بورڈ (بی سی سی آئی) کے صدر انوراگ ٹھاکر اور سیکرٹری اجے شرکے کو لوڈھا کمیٹی کی سفارشات کو لاگو نہ کرنے پر ان کے عہدوں سے برطرف کر دیا اور اس کے ساتھ ہی بی سی سی آئی اور لوڈھا کمیٹی کے درمیان طویل عرصے سے چلی آرہی لڑائی کا بھی خاتمہ ہو گیا۔
سپریم کورٹ نے بی سی سی آئی کو نئے سال کے دوسرے ہی دن بڑا جھٹکا دے دیا۔
چیف جسٹس تیرتھ سنگھ ٹھاکر اور جج اے ایم كھانویلكر اور ڈی وائی چندرچوڑ کی تین رکنی بنچ نے اپنے حکم میں کہا کہ 18 جولائی 2016 کے حکم کو ٹھاکر اور شرکے نے لاگو نہیں کیا اس لیے انہیں برخاست کیا جا رہا ہے۔