SportsPosted at: Feb 12 2017 7:43PM کرپشن کے لئے پی سی بی ذمہ دار :محسن خان
muhsin Khan لاہور ، 12 فروری (یو این آئی) پاکستان کرکٹ ٹیم کے سابق کوچ محسن حسن خان نے پاکستان سپر لیگ ( پی ایس ایل) میں مبینہ کرپشن پر کرکٹ بورڈ کو سخت تنقید کا نشانہ بناتے ہوئے ایسے واقعات کا ذمہ دار قرار دیا ہے۔
روزنامہ ڈان نیوز کے پروگرام 'دوسرا رُخ' میں گفتگو کرتے ہوئے محسن خان نے مطالبہ کیا کہ اگر خالد لطیف اور شرجیل خان پر الزام ثابت ہوجاتا ہے تو انہیں سخت سے سخت سزا دی جانی چاہیے۔
انھوں نے کہا کہ کوئی بھی کھلاڑی ہو چاہے وہ سینئر ہو یا پھر جونیئر، اسے حق نہیں کہ ہوہ قوانین کی خلاف ورزی کرکے کرکٹ کو بدنام کرے۔