جنوبی افریقہ کے چھ پوائنٹس کٹے، 60 فیصد جرمانہ

جوہانسبرگ، 28 جنوری (یو این آئی ) جنوبی افریقہ کو انگلینڈ سے چار ٹیسٹ میچوں کی سیریز 1-2 سے ہارنے کے ساتھ چوتھے ٹیسٹ میں سست اوور ریٹ کے لئے آئی سی سی ٹیسٹ چمپئن شپ میں چھ پوائنٹس کا نقصان ہوا ہے اور ساتھ ہی اس پر 60 فیصد میچ فیس کا بھی جرمانہ لگایا گیا ہے۔
جنوبی افریقہ اس طرح آئی سی سی ٹیسٹ چمپئن شپ میں پہلی ایسی ٹیم بن گئی ہے جس کے سست اوور ریٹ کی وجہ سے پوائنٹس کاٹے گئے ہیں۔
جنوبی افریقہ کو اس سیریز میں ایک ٹیسٹ جیتنے سے 30 پوائنٹس ملے تھے لیکن چھ پوائنٹس کٹ جانے کی وجہ سے اس کے اب 24 پوائنٹس رہ گئے ہیں اور وہ ٹیبل میں ساتویں نمبر پر ہے۔