کولمبو، 23 فروری (یو این آئی ) سری لنکا کے خلاف پہلے ون ڈے میچ کے دوران سست اوور ریٹ کو لے کر ویسٹ انڈیز پر میچ فیس کا 40 فیصد جرمانہ عائد کیا گیا ہے۔

میچ ریفری جواگل سری ناتھ نے ویسٹ انڈیز پر آئی سی سی ضابطہ اخلاق کی دفعہ 2.22 کے تحت یہ جرمانہ عائدکیا جس کے مطابق ہر سست اوور پر میچ فیس کا 20 فیصد جرمانہ لگایا جاتا ہے۔
ویسٹ انڈیز کی ٹیم مقررہ وقت سے دو اوور پیچھے رہ گئی تھی جس کی وجہ سے اس پر 40 فیصد جرمانہ عائد کیا گیا۔