نئی دہلی، 25جون(یو این آئی) آج مورخہ 25جون 2017ءبروز اتوار کے روزماہ شوال المکرم کا چاندنظرآگیا۔ ملک کے کئی حصوں سے رویت ہلال کی خبریں موصول ہوئی ہیں ۔ ملک کی مقتدر رویت ہلال کمیٹیوں کی جانب سے اس بابت ریلیز جاری کی گئی ہیں ۔ شاہی امام وصدرمرکزی رویت ہلال کمیٹی جامع مسجد دہلی سیداحمدبخاری نے کل عید ہونے کا اعلان کیا ہے۔ دوسری طرف رویت ہلال کمیٹی امارت شرعیہ ہند کی میٹنگ مولانا یوسف قاسمی کے زیر صدارت، امارت شرعیہ ہند کے مرکزی دفتر ۱۔بہادر شاہ ظفر مارگ نئی دہلی میں منعقد ہوئی۔ 29رمضان المبارک1438ھ کو چاند دیکھنے کا اہتمام کیا گیا۔ دہلی میں مطلع صاف نہیں تھا ،البتہ ملک کے مختلف مقامات یوپی ، بہار،مغربی بنگال، آسام ، منی پور، تری پورہ ،کرناٹک ، گجرات، مہاراشٹر ، اڑیسہ ، دیوبند اور کاندھلہ کے مختلف علاقوں سے رویت عام کی اطلاع ہے۔ اس لئے رویت ہلال کمیٹی امارت شرعیہ ہند اعلان کرتی ہے کہ کل یعنی 26جون2017 بروزپیر ماہ شوال 1438ھ کی پہلی تاریخ ہوگی اور کل صبح نماز عید الفطر ادا کی جائے گی ۔ جاری۔یو این آئی۔ س ک۔ 2243