NationalPosted at: Jan 28 2020 10:30PM صاف پانی، بنیادی ضرورتوں کوپورا کریں گے: راجناتھ
نئی دہلی، 28جنوری (یو این آئی)وزیر دفاع راجناتھ سنگھ نے دہلی کی کیجریوال حکومت پر حملہ کرتے ہوئے کہاکہ ہم جھوٹے وعدے نہیں کرتے۔ ہم دہلی کے عوام کو صاف پانی اور ان کی بنیادی ضرورتوں کو پورا کریں گے
مسٹر سنگھ نے منگل کو دہلی کی کونڈلی اسمبلی حلقہ کے کلیان پوری میں بھارتیہ جنتا پارٹی کے امیدوار راجکمار ڈھلوں، ترلوک پوری اسمبلی حلقہ سے امیدوار کرن ویدھ اور وشو اس نگر اسمبلی حلقہ سے امیدوار اوم پرکاش شرما کی حمایت میں انتخابی اجلا س سے خطاب کرتے ہوئے عوام سے امیدواروں کو بھاری ووٹوں سے کامیاب بنانے کی اپیل کی۔
اس دوران مسٹر سنگھ نے کیجریوال کے جھوٹے وعدوں پر حملہ کرتے ہوئے سوال کیا کہ فری وائی فائی، پانچ ہزار ڈی ٹی سی بسیں، صاف پانی کا وعدہ کہا ں گیا؟ کہاں گئے دہلی کے ورلڈ کلاس اسکول، کیجریوال اس کا جواب دیں۔ انہوں نے کہاکہ اگر دہلی میں بھی ہماری حکومت بنی تو ہم دہلی کے عوام کو پینے کا صاف پانی دیں گے اور انکی بنیادی ضرورتوں کو پورا کریں گے۔
انہوں نے کہاکہ ہم صرف وعدہ نہے کرتے بلکہ انہیں پورا کرنے میں یقین رکھتے ہیں۔ انہوں نے کہا کہ وزیراعظم نریندر مودی کی قیادت والی مرکزی حکومت نے جموں وکشمیر سے آرٹیکل 370ہٹاکر اپنا وعدہ پورا کیا او ایک ملک میں دو نشان، دو قانون اور دو سربراہان ختم کرتے ہوئے ایک ہندستان اور بہترین ہندستان بنایا ہے۔
اس دوران مشرقی دہلی کے رکن پارلیمان گوتم گمبھیر، ریاستی حکام، میونسپل کونسلر، کارکن اور ہزارو ں کی تعداد میں مقامی لوگ موجود تھے۔
مدیران یہاں سے سابقہ سلسلہ جوڑ لیں۔
یو این آئی۔ م ع۔ 2155