image
Sunday, Apr 14 2024 | Time 23:32 Hrs(IST)
National

خوراک کی سکیورٹی اور کسانوں کی بہبود – مودی کی گارنٹی:پیوش گوئل

خوراک کی سکیورٹی اور کسانوں کی بہبود – مودی کی گارنٹی:پیوش گوئل

نئی دہلی ،23فروری (یواین آئی)ایک ایسے وقت میں جب خوراک کی عالمی سپلائی مارکیٹ کے اتار چڑھاؤ ، جنگ اور موسم سے متاثر ہے، ہندوستان میں صورت حال   صارفین اور کسان، دونوں کے لیے نمایاں طور پر اطمینان بخش ہے ان خیالات کا اظہار کامرس وصنعت ، صارفین کے امور ، خوراک وتقسیم عامہ اور ٹیکسٹائل کےمرکزی وزیرپیوش گوئل نے اپنے ایک مضمون میں کیاہے وزیرموصوف کے مطابق جمعرات کو وزیراعظم مودی کی قیادت والی کابینہ نے کسانوں کے فائدے کے لیے گنے کی مناسب اور منافع بخش قیمت میں 8 فیصد اضافہ کیا، جو پہلے ہی دنیا میں سب سے زیادہ گنے کی قیمت حاصل کر رہے ہیں، جب کہ حکومت اس بات کو یقینی بنا رہی ہے کہ بھارتی صارفین کو دنیا میں سب سے سستی چینی ملے۔ایسے ہی بہت سے اقدامات ہیں، جن کسانوں کی فلاح و بہبود اورصارفین کے مفاد کو یکجا کیا گیا ہے۔ اس مہینے کے شروع میں، وزیراعظم مودی نے ایک بار پھر ہر شہری کو غذائیت سے بھرپور خوراک فراہم کرنے کے اپنے مشن کو آگے بڑھاتے ہوئے، 29 روپے فی کلو گرام کے حساب سے "بھارت چاول" کے آغاز کے ساتھ ہمارے شہریوں کے لیے سستی قیمتوں پر اناج کی فراہمی کو یقینی بنایاہے۔
ہمارے محنتی کسانوں کا شکر ہے کہ وہ زیادہ تر زرعی اجناس کی کافی پیداوار کے ساتھ ملک کو خودکفیل بنا رہے ہیں، حکومت پردھان منتری غریب کلیان انّ یوجنا (پی ایم جی کے اے وائی) کے تحت 80 کروڑ سے زیادہ لوگوں کو مفت اناج فراہم کر رہی ہے، اور باقی آبادی کے لیے کھانے کی اشیاء بہت معقول قیمت پر دستیاب ہیں۔
ان کے بقول مودی حکومت نے ہمیشہ ہی حساس غذائی اجناس کی قیمتوں میں غیر معمولی اضافے کو کم کرنے کے لیے تیزی سے کارروائی کی ہے۔ پچھلے سال، اس نے 60 روپے فی کلو گرام کی انتہائی سبسڈی والی شرح پر "بھارت دال" اور 27.50 روپے فی کلو گرام کی کم قیمت پر "بھارت آٹا" لانچ کیا۔ اسی طرح مرکزی ایجنسیاں سستی پیاز فروخت کرتی ہیں۔ یہاں تک کہ اس نے ٹماٹر کی سپلائی اس وقت کی، جب قیمتیں تیزی سے بڑھ رہی تھیں، جس کے لئے مرکزی حکومت نے بل میں بڑے فرق کی ادائیگی کی۔ "بھارت" کے نام سے غذائی اجناس کی فروخت کو تیزی سے اضافہ ہوا ہے اور یہ 18,000 سے زیادہ فروخت کے مراکز پر دستیاب ہیں۔
مسٹر پیوش گوئل نے مزید کہاکہ مرکزی حکومت نے اس سے پہلے کبھی خوردہ بازار میں اناج یا دالیں فروخت نہیں کیں۔ وزیراعظم مودی نے قیمتوں کو کنٹرول کرنے کے لیے ہمیشہ فیصلہ کن انداز میں کارروائی کی ۔ پچھلے سال، جیسے ہی بے موسم بارشوں نے ٹماٹر کی سپلائی میں خلل ڈالا، حکومت نے تیزی سےحرکت کرتے ہوئے قیمتوں میں اضافے کو پلٹ دیا۔ وزیر اعظم مودی نے اس بات کو یقینی بنایا ہے کہ اچھے معیار کی دال، چاول اور آٹا معتدل قیمتوں پر سپلائی کی جائیں۔ یہ اقدامات معاشرے کے ہر طبقے کی مدد کے لیے بلا تفریق نافذ کئے گئے ہیں ۔
اس حکومت کا ایک اور بے مثال اقدام مارکیٹ میں فوری مداخلت کے لیے زرعی - باغبانی کی اشیاء کا ایک وافر ذخیرہ قائم کرنے کی خاطر ایک مخصوص قیمتوں کے استحکام کے فنڈ کا قیام ہے۔ حکومت نے اہم دالوں اور پیاز کی سستی دستابی کو یقینی بنانے کے لیے ایک تاریخی پہل کی ہے، جس کے لیے مجموعی بجٹ امداد 27,489 کروڑروپے رکھی گئی ہے۔
انھوں نے کہاکہ حکومت نے ایک مضبوط پیغام دیا ہے کہ سپلائی کی ذخیرہ اندوزی کرنے یا مارکیٹ میں ہیرا پھیری کرنے کی کوئی بھی کوشش ناکام ثابت ہو گی۔ ایسے میں جبکہ چند مہینوں میں گندم کی ریکارڈ فصل کی توقع ہے، لیکن حکومت کوئی خطرہ مول نہیں لے رہی ہے۔ اس نے گندم پر اسٹاک کی حد قائم کر دی ہے اور مارکیٹ میں اس کی سپلائی بڑھانے کے لیے تیار ہے۔
روزانہ 22 ضروری اشیائے خوردونوش کی خوردہ اور ہول سیل قیمتوں کی نگرانی کی جاتی ہے۔ 34 ریاستوں/مرکز کے زیر انتظام علاقوں میں قیمتوں کی نگرانی کرنے والے 550 مراکز سے معلومات کے ساتھ، قیمتوں کے رجحانات کا تجزیہ کیا جاتا ہے ،تاکہ قیمتوں کو کم کرنے کے لیے وافر ذخیرے سے اسٹاک جاری کرنے کے مناسب فیصلے کیے جائیں، اور ذخیرہ اندوزی کو روکنے کے لیے اسٹاک کی حدیں نافذ کی جائیں۔
انھوں نے مزید کہاکہ گنے کی پلائی کے نئے سیزن کے آغاز کے بعد ،چینی کی مل سے باہرقیمت میں 3.5-4 فیصد کی کمی آئی ہے، جبکہ اس بات کو بھی یقینی بنایا گیا ہے کہ کسان اچھی کمائی کرسکیں اور ان کو وقت پر ادائیگی کی جاسکے۔ ایتھنول کی ملاوٹ کے پروگرام نے صنعت کی افادیت کو بڑھایا ہے، جس سے مل مالکان کو23-2022 میں گنے کے تقریباً 99.5 فیصد واجبات کی ادائیگی میں مدد ملی ہے۔ یہ اب تک کی سب سے کم واجب الادا رقم ہے، جو کسانوں کی فلاح و بہبود پر وزیراعظم مودی کی توجہ کو ظاہر کرتی ہے۔
ہندوستان میں خوردنی تیل کی قیمت ، درآمداتی محصول میں تبدیلی سمیت فعال اقدامات کے بعد، دو سال کی کم ترین سطح پر پہنچ گئی ہیں۔ گزشتہ سال سرسوں کے تیل کی خوردہ قیمت میں 18.3فیصد، سویابین تیل کی قیمت میں 17.1فیصد، سورج مکھی کے تیل کی قیمت میں 23.8فیصد اور آر بی ڈی پامولین کی قیمت میں 12فیصد کی کمی واقع ہوئی ہے۔ حکومت گندم کی قیمتوں کو کنٹرول کرنے کے لیے بھی موثر اقدامات کر رہی ہے۔ خوردہ اور تھوک بازاروں میں گندم اور آٹے کی کل ہند اوسط قیمتوں میں کمی کا رجحان ظاہر ہو رہا ہے۔
حکومت نے اس بات کو یقینی بناتے ہوئے کہ کسانوں کو مناسب قیمتیں حاصل ہوں، گندم، چاول اور چینی کی برآمدات کو محدود کر دیا ہے، تاکہ ملک میں مناسب سپلائی اور متعدل قیمتوں کو یقینی بنایا جا سکے۔ اس نے گھریلو رسد بڑھانے کے لیے اوپن مارکیٹ سیلز اسکیم کے تحت چاول اور گندم کی فروخت میں اضافہ کیا ہے۔ "بھارت چاول" کا آغاز، جو دیگر اقدامات کے سلسلے کے بعد سامنے آیا ہے، چاول کی قیمتوں کومعتدل بنانے میں دور رس ثابت ہوگا۔
مسٹر گوئل کے مطابق مفت خوراک کی اسکیم نے ، لوگوں کی اس تباہ کن وبائی بیماری کا مقابلہ کرنے میں مدد کی تھی، جس نے عالمی معیشت کوہلاکر رکھ دیا تھا۔ اگرچہ وباء ختم ہو چکی ہے، لیکن وزیر اعظم کی ہمدرد قیادت، اور اس کے نتیجے میں فراخدلانہ فلاحی اسکیم جاری ہے۔ حکومت نے پہلے ہی پی ایم جی کے اے وائی کے تحت اگلے پانچ سالوں میں وزیراعظم مودی کی تیسری میعاد کے دوران 11.80 لاکھ کروڑ روپے کا زبردست وعدہ کیا ہے۔ یہ اسکیم مالیاتی نظم و ضبط پر سمجھوتہ کیے بغیر فراخدلانہ فلاحی اسکیموں کو چلانے کے وزیر اعظم کے بے عیب ریکارڈ کو آگے بڑھاتی ہے۔ اسی طرح یہ حکومت ضروری اشیائے خوردونوش کے لیے بازار میں اخلاقیات اور نظم و ضبط کو یقینی بناتی ہے۔اس کے نتیجے میں، وبائی امراض اور یوکرین کے بحران کے دوہری جھٹکوں کے باوجود، جس نے اسے بہت مشکل بنا دیا تھا، پچھلی دہائی مہنگائی پر قابو پانے میں ہندوستان کے لیے بہترین ثابت ہوئی ہے ۔ یہ اس حقیقت کے باوجود حاصل کیا گیا ہے کہ ہمیں یو پی اے سے ایک "کمزور -5" معیشت وراثت میں ملی تھی، جو کہ بدعنوانی، غریبوں کے لیے عدم احترام، اور دوعددی افراط زر سے دوچار تھی۔
مرکزی وزیرنے مزید کہاکہ خوراک کی سکیورٹی اور افراط زر کے کنٹرول میں ہندوستان کی بہترین کارکردگی، اس وقت سامنے آئی جب ملک کو سب سے زیادہ چیلنجنگ بیرونی ماحول کا سامنا تھا۔ یہ صرف 140 کروڑ ہندوستانیوں کے اس یقین کو تقویت دیتا ہے کہ مودی ہے تو ممکن ہے۔
یواین آئی۔ ایف اے

خاص خبریں
بی جے پی کے سنکلپ پتر کا ہر نکتہ مودی کی گارنٹی: وزیر اعظم مودی

بی جے پی کے سنکلپ پتر کا ہر نکتہ مودی کی گارنٹی: وزیر اعظم مودی

نئی دہلی، 14 اپریل (یو این آئی) وزیر اعظم نریندر مودی نے لوک سبھا انتخابات کے لیے بھارتیہ جنتا پارٹی (بی جے پی) کے منشور ’مودی کی گارنٹی سنکلپ پتر 2024‘ جاری کرتے ہوئے اتوار کو کہا کہ اگلے پانچ سالوں میں اصلاحات ، کارکردگی، تبدیلی کے منتر پر آگے بڑھتے ہوئے، ہم مزید تیزی سے ترقی کریں گے۔

...مزید دیکھیں
مہنگائی، بے روزگاری بی جے پی کے منشور سے غائب: راہل

مہنگائی، بے روزگاری بی جے پی کے منشور سے غائب: راہل

نئی دہلی، 14 اپریل (یو این آئی) کانگریس کے سابق صدر راہل گاندھی نے اتوار کو کہا کہ مہنگائی اور بے روزگاری بھارتیہ جنتا پارٹی (بی جے پی) کے منشور اور وزیر اعظم نریندر مودی کی تقریر سے غائب ہے۔

...مزید دیکھیں
کانگریس نے دہلی اور پنجاب میں لوک سبھا امیدواروں کا اعلان کیا

کانگریس نے دہلی اور پنجاب میں لوک سبھا امیدواروں کا اعلان کیا

نئی دہلی، 14 اپریل (یو این آئی) کانگریس نے اتوار کو دہلی کی تین لوک سبھا سیٹوں اور پنجاب کی چھ لوک سبھا سیٹوں کے لیے اپنے امیدواروں کا اعلان کیا۔

...مزید دیکھیں
بی جے پی کے ’سنکلپ پتر‘ کو ’معافی نامہ‘ کہا جانا چاہئے: کانگریس

بی جے پی کے ’سنکلپ پتر‘ کو ’معافی نامہ‘ کہا جانا چاہئے: کانگریس

نئی دہلی، 14 اپریل (یو این آئی) کانگریس نے اتوار کو کہا کہ بھارتیہ جنتا پارٹی کے ’سنکلپ پتر‘ کو ’معافی نامہ‘ کہا جانا چاہئے کیونکہ یہ وہ گزشتہ 10 برسوں کے دوران وزیر اعظم نریندر مودی کی حکومت کے ذریعہ کئے گئے ایک بھی معاملے کو پورا کرنے میں ناکام رہی ہے کانگریس لیڈر پون کھیڑا، سپریہ شرینیت اور امیتابھ دوبے نے یہاں پارٹی ہیڈکوارٹر میں پریس کانفرنس سے خطاب کرتے ہوئے یہ بات کہی۔

...مزید دیکھیں
ایران نے اسرائیل پر تقریباً 200 ڈرون اور کروز میزائل فائر کر دیے

ایران نے اسرائیل پر تقریباً 200 ڈرون اور کروز میزائل فائر کر دیے

تہران، 14 اپریل (یواین آئی) دمشق میں ایرانی قونصل خانے پر اسرائیلی حملے کے جواب میں ایران نے اسرائیل پر تقریباً 200 ڈرون اور کروز میزائل فائر کر دیے ایرانی خبر رساں ادارے ارنا کے مطابق ایران نے اسرائیل پر براہ راست ڈرون حملے کیے، حملے میں اسرائیلی دفاعی تنصیاب اور فوجی ٹھکانوں کو نشانہ بنایا گیا ایرانی میڈیا کے مطابق ایران نے اسرائیل میں 50 فیصد اہداف کو کامیابی سے نشانہ بنایا۔

...مزید دیکھیں
چنئی سپر کنگز نے ممبئی انڈینز کو جیت کے لیے 207 رنز کا ہدف دیا

چنئی سپر کنگز نے ممبئی انڈینز کو جیت کے لیے 207 رنز کا ہدف دیا

ممبئی، 14 اپریل (یو این آئی) کپتان روتوراج گائیکواڈ (69)، شیوم دوبے (60) کی ناٹ آؤٹ اننگز اور مہندر سنگھ دھونی کے آخری اوور میں چار گیندوں پر چھکوں (20) کی بدولت چنئی سپر کنگز نے انڈین پریمیئر لیگ (آئی پی ایل) میں اتوار کو 29ویں میچ میں ممبئی انڈینز کو جیت کے لیے 207 رنز کا ہدف دیا ہے۔

...مزید دیکھیں
پورٹیبل اینٹی ٹینک گائیڈڈ میزائل ویپن سسٹم کا کامیاب تجربہ

پورٹیبل اینٹی ٹینک گائیڈڈ میزائل ویپن سسٹم کا کامیاب تجربہ

نئی دہلی، 14 اپریل (یو این آئی) ڈیفنس ریسرچ اینڈ ڈیولپمنٹ آرگنائزیشن (ڈی آر ڈی او) نے مقامی طور پر ڈیزائن اور تیار کردہ پورٹیبل اینٹی ٹینک گائیڈڈ میزائل ہتھیاروں کے نظام کی تکنیکی برتری کو ثابت کرنے کے مقصد سے کئی کامیاب فائرنگ کے ٹرائل کئے ہیں ہفتہ کو راجستھان کے پوکھرن فیلڈ فائرنگ رینج میں اس ہتھیار کے نظام کے وار ہیڈ فلائٹ ٹیسٹ کامیابی کے ساتھ کئے گئے۔

...مزید دیکھیں

انجو اور ہرشیتا نے چاندی، منیشا اور انتم کنڈو نے کانسے کا تمغہ جیتا

14 Apr 2024 | 11:08 PM

بشکیک، 14 اپریل (یو این آئی) ہندوستان کی خاتون پہلوان انجو اور ہرشیتا نے ایشین ریسلنگ چیمپئن شپ 2024 کے چوتھے دن بالترتیب خواتین کے 53 کلوگرام اور 72 کلوگرام میں چاندی کا تمغہ جیتا، جبکہ منیشا (خواتین کے 62 کلوگرام) اور انتم کنڈو (خواتین کے 62 کلوگرام) میں چاندی کا تمغہ جیتا۔

ذوالقر سلمان کی فلم 'لکی بھاسکر' کا ٹیزر جاری

ذوالقر سلمان کی فلم 'لکی بھاسکر' کا ٹیزر جاری

12 Apr 2024 | 12:01 PM

ممبئی، 12 اپریل (یو این آئی) معروف اداکار ذوالقر سلمان کی آنے والی فلم 'لکی بھاسکر' کا ٹیزر جاری کر دیا گیا ہے۔ میکرز نے ذوالقر سلمان کی آنے والی فلم 'لکی بھاسکر' کا ٹیزر جاری کیا ہے۔

...مزید دیکھیں

شاہجہاں شیخ فرضی طور پر کرڑوں روپے اپنے بھائی اور دیگرساتھیوں کے اکائونٹ میں منتقل کیا: ای ڈی

12 Apr 2024 | 4:45 PM

کلکتہ 11اپریل (یواین آئی)مرکزی جانچ ایجنسی ای ڈی نے آج دعویٰ کیا ہے کہ سندیش کھالی سے ترنمول کانگریس کے معطل لیڈر شاہجہاں شیخ نے اپنے بھائی عالمگیر کے اکائونٹ میں اپنی کمپنی ایس کے سبینہ فشریز سے دو کروڑ ایک لاکھ روپے منتقل کئے۔

...مزید دیکھیں
image