جےپور،11فروری(یواین آئی)راجستھان کے وزیراعلی اشوک گہلوت نے آج اپنی سرکاری رہائش گاہ سے سوائن فلو سے بچاؤ کے لئے ریاستی سطح پربیداری اور مفت ماسک تقسیم مہم کا آغاز کیا۔
سماجی تنظیم ’آہوان‘عوامی فلاح و بہبود اور خدمت کمیٹی کے ذریعہ شروع کی جانے والی اس مہم کی شروعات کرتے ہوئے مسٹر گہلوت نے کہا کہ یہ اچھا ہے کہ حکومت کے ساتھ ساتھ سماجی تنظیم بھی اس سمت میں آگئے آرہی ہیں۔سماجی مفاد کےلئے سبھی کو بیدار ہوکر آگے آنے کی ضرورت ہے۔
اس موقع پر وزیراعلی کو ’آہوان عوامی فلاح وبہبود اور خدمت کمیٹی‘کے میڈیا انچارج نفیس افریدی نے بتایا کہ مہم کے تحت شروع میں جےپور،جودھپور ،بھرت پور،ناگور،جالور،الور دوسا اور پالی میں سوائن فلو سے بچاؤ اور ماسک تقسیم کرنے کا کام کیا جائےگا۔
یواین آئی۔اےایم۔