NationalPosted at: Jan 15 2018 5:07PM پاکستان باز نہیں آیا تو سخت کارروائی کریں گے۔ جنرل راوت
نئی دہلی، 15 جنوری (یو این آئی) سرحد پر ہندوستانی فوج کی کارروائی میں آج چار پاکستانی فوجیوں کی ہلاکت کے درمیان فوج کے سربراہ جنرل بپن راوت نے پاکستان کو سخت وارننگ دی ہے کہ اگر وہ باز نہیں آتا ہے تو ہندوستان ایک بار پھر مجبوری میں دوسرا متبادل اپنانے سے پیچھے نہیں ہٹے گا۔
جنرل راوت نے ستر ویں آرمی ڈے پر یہاں کری اپا پریڈ گراونڈ میں شاندار پریڈ کی سلامی لینے کے بعد اپنے خطاب میں پاکستان سے سخت لہجے میں کہا ’’ پاکستان کی فوج دراندازوں کی مدد کرتی رہی ہے۔ اگر ہمیں مجبور کیا گیا تو اور سخت کارروائی کریں گے۔‘‘انہوں نے کہا کہ فوج کسی بھی اشتعال انگیزی کا منہ توڑ جواب دینے میں پوری طرح اہل ہے اور اگر ہمیں مجبور کیا گیا تو ہندوستان دوسرے متبادل کو بھی استعمال کرسکتا ہے۔
انہوں ین کہا کہ فوج سرحد پر کسی بھی طرح کی ناپاک حرکت کو کامیاب نہیں ہونے دے گی اور ان ناپاک حرکتوں کا پوری طاقت سے جواب دے رہی ہے۔ شمال مشرق میں حالات کو کافی حد تک کنٹرول میں بتاتے ہوئے انہوں نے کہا کہ خفیہ اطلاعات پر مبنی مہم سے انتہاپسند عناصر کی حرکتوں کو محدود کرنے میں فوج کوکامیابی ملی ہے۔
جاری ۔یو این آئی ج ا