نئی دہلی، 22 جولائی (یواین آئی) حکومت نے آج کہا کہ وزیر اعظم نریندر مودی کی قیادت میں دوسری بار اقتدار میں آنے کے 50 دن کے اند’سب کا ساتھ، سب کا وکاس اور سب کا اعتماد‘ کی سمت میں تیزی سے قدم اٹھاتے ہوئے سماج کے تمام طبقات کی فلاح و بہبود، بنیادی ڈھانچہ کےعلاقے اور تعلیم کے شعبہ میں تاریخی فیصلہ لئے گئے۔
مرکزی اطلاعات و نشریات کے وزیر پرکاش جاوڈیکر نے مودی حکومت کی دوسری مدت کے 50 دن کی رپورٹ کارڈ جاری کرتے ہوئے یہ اطلاع دی۔ انہوں نے کہا’’50 دن کے اندر ، حکومت نے کسانوں، بے روزگار نوجوانوں، مڈل کلاس، تاجروں اور سماج کے تمام طبقات کے لئے بنیادی ڈھانچے اور تعلیم کے شعبوں میں تیزی سے ترقی کے لئے تاریخی فیصلے لئے ہیں‘‘۔
مسٹر جاوڈیکر نے یہاں نامہ نگاروں سے کہا کہ یہ 50 دن بتاتے ہیں کہ نریندر مودی کی قیادت والی قومی جمہوری اتحاد (این ڈی اے) حکومت کی دوسری میعاد زیادہ مؤثر ہوگی اور سب کو انصاف ملے گا۔
انہوں نے کہا کہ مودی حکومت نے ملک کے سبھی کسانوں کو پی ایم-کسان یوجنا کے تحت 6،000 روپے سالانہ فائدہ دیا ہے۔ انہوں نے کہا کہ کسانوں کو ان کی لاگت کے کم از کم امدادی قیمت میں دو سے تین گنا تک اضافہ کیا گیا ہے۔
جاری،یو این آئی،اظ