NationalPosted at: Jul 6 2020 5:09PM کرونا سے متاثرہ صحافی نے ایمس کی چھت سے چھلانگ لگا کر خودکشی کرلی
نئی دہلی، 6 جولائی (یو این آئی) ہندی روزنامہ اخبار کے کورونا سے متاثرہ ایک صحافی نے پیر کو یہاں آل انڈیا انسٹی ٹیوٹ آف میڈیکل سائنس (ایمس) کی چوتھی منزل سے کود کر خودکشی کرلی، جس کی شناخت ترون سسودیا کے طور پر ہوئی ہے۔
جنوبی مغربی ضلع کے ڈپٹی کمشنر پولیس دیویندر آریا نے بتایا کہ بھجن پورہ کے رہائشی ترون سسودیا (37) کو 24 جون کو ایمس ٹروما سنٹر کی چوتھی منزل پر کووڈ۔ 19 وارڈ میں داخل کیا گیا تھا۔ وہ آج دو بجے کے قریب چوتھی منزل کی چھت سے نیچے کود گیا۔
ایمس کے سرکاری ذرائع کے مطابق چوتھی منزل سے کودنے کے بعد، ترون کو آئی سی یو میں داخل کرایا گیا جہاں ڈاکٹروں نے اسے مردہ قرار دے دیا۔
واضح رہے کہ ترون سسودیا دہلی حکومت اور میونسپل کارپوریشن کو طویل عرصے سے کور کر رہے تھے۔
یو این آئی۔ ع ا۔