InternationalPosted at: Aug 19 2018 8:54PM ہندوستانی زبانوں نے رواداری کے جذبے کو زندہ رکھا ہے: انیرودھ جگن ناتھ
گوسوامی تلسی داس نگر ،(ماریشش) 19 اگست (یو این آئی) ماریشش کےسابق وزیراعظم انیرودھ جگن ناتھ نے آج کہا ہے کہ ہندی سمیت دیگرہندوستانی زبانوں نے ہندوستانی ثقافت سے جڑی سچائی، بھائی چارہ، عدم تشدد اور دوسرے مذاہب اور ثقافتوں کے تئیں رواداری کے جذبات کو زندہ رکھا ہے۔
مسٹر جگن ناتھ نے 11 ویں ہندی تقریب میں ’’پرواسی سنسار :زبان اور ثقافت‘‘ پر مرکوز ساتواں متوازی سیشن میں کہا کہ ماریشش کی زندگی ثقافت ،ملی جلی بھوجپوری بولی، پوجا پاٹ اور فلموں کے ذریعہ سے ہندی زبان میں آگے بڑھی ہے۔
ہندی میں دستخط کرنے کی وجہ سے ہی ماریشش کے شہریوں کو ووٹ دینے کا حق ملا، اسی کےوجہ سے مزدوروںکے بیٹوں کو وزیراعظم کے عہدےتک پہنچنے کا موقع ملا۔ انہو ںنے کہا کہ اقتدار سے مقابلہ کرنے کا کام ہندی زبان کے ذریعہ سے ہی کیا جاسکا۔
سیشن کےدرمیان میں نسل پرستی پر اظہار خیال کرتے ہوئے جن مجے نے کہا کہ بیرون ملک میں زبان اور ثقافت پہچان کی سب سے قابل بھروسہ ذریعہ ہے۔ اپنی وراثت کو آگے بڑھانے کے لئے نوجوانوں میں زبان اور ثقافت کو اپنانا ضروری ہے۔
گیانا کے ہری شنکر شرما نے اپنی تقریر میں ہندوستانی ثقافت میں موجود اقدار کی اہمیت پر روشنی ڈالی۔ انہوں نےکہا کہ ہندی زبان اور طرز زندگی میں اعلی اقدار کی وجہ سے ہی آج ہندوستانی جہاں بس جاتےہیں وہاں کا مرتبہ بڑھ جاتاہے۔
جاری۔ یو این آئی۔ظ ا۔