NationalPosted at: Feb 27 2021 8:54PM حل نکالنے کے لیے تیار، جنگ بندی کی بحال کا خیر مقدم: عمران خان
نئی دہلی، 27 فروری (یو این آئی) پاکستان کے وزیراعظم عمران خان نے ہفتے کے روز ہند-پاک سرحد پر جنگ بندی کی بحالی کا خیرمقدم کرتے ہوئے کہا کہ پاکستان بات چیت کے ذریعے تمام باقی مسائل کا حل نکالنے کے لیے تیار ہے لیکن ہندوستان کو مذاکرات آگے بڑھانے کے لیے مناسب ماحول تیار کرنا ہوگا۔
مسٹر خان نے سرحد پار سے گولی باری پر جنگ بندی کی بحالی کا خیر مقدم کرتے ہوئے ٹویٹ کیا،’میں ایل او سی کے پاس جنگ بندی کی بحالی کا خیر مقدم کرتا ہوں۔ آگے کی ڈیویلپمنٹ کے لیے ہندوستان کو خوشگوار ماحول کے ساتھ آگے آنا ہوگا‘۔
مسٹر خان نے ایک دیگر ٹویٹ میں کہا،’ہم ہمیشہ امن کے حق میں ہیں اور مذاکرات کے ذریعے سے تمام مسائل کو حل کرنے کی خاطر آگے بڑھنے کے لیے تیار ہیں‘۔
ہندوستان نے رواں ہفتے پاکستان کے وزیراعظم کے طیارے کو سری لنکا کے لیے ملک کے ہوائی علاقے سے گذرنے کی اجازت دی تھی۔ مسٹر خان کا یہ بیان فوجی سربراہ جنرل قمر باجوہ کی جانب سے رواں ماہ کے آغاز میں کشمیر کے مسائل کو ’پرامن‘ ڈھنگ سے حل کرنے کی اپیل کے بعد آیا ہے۔
حالانکہ مسٹر خان نے اپنے پرانے مطالبے کو دہراتے ہوئے کہا،’ ہندوستان کو لمبے عرصے سے جاری ہمارے مطالبے کو پورا کرنے کے لیے ضروری اقدامات کرنے چاہیئیں اور کشمیری عوام کو اقوام متحدہ سکیورٹی کونسل (یو این ایس سی) کی قرار دادوں کے مطابق از خود فیصلہ کرنے کا حق دینا چاہیے۔
یو این آئی،ایم اے۔