NationalPosted at: Jul 9 2020 11:47PM کسی کو بھی حقیقی کنٹرول لائن میں یکطرفہ تبدیلی نہیں کرنی چاہیے: ہندوستان
نئی دہلی، 9 جولائی (یو این آئی) ہندوستان نے آج کہا کہ چین کے ساتھ سرحد پر حقیقی کنٹرول لائن کا احترام کیا جانا چاہیے اور کسی کو بھی اسے تبدیل کرنے کے لئے یکطرفہ کارروائی نہیں کرنی چاہیے۔
وزارت خارجہ کے ترجمان انوراگ شریواستو نے آج یہاں بریفنگ میں کہا ’’ہم سرحدی علاقون میں امن قائم رکھنے اور تنازع کو بات چیت کے ذریعہ حل کرنے کی ضرورت کو سمجھتے ہیں۔ ساتھ ہی ہم ہندوستان کی خود مختاری اور سالمیت یقینی کرنے کے لئے بھی پابند عہد ہیں‘‘۔
انہوں نے کہا کہ ہندوستان نے اپنی پوزیشن کئی سطح پر واضح کی ہے اور ہمارا موقف ہے کہ گلوان وادی میں چین کا دعوی کسی بھی طرح قابل تسلیم نہیں ہے۔ انہوں نے کہا کہ دونوں فریقین سیاسی اور فوجی افسران فوجیوں کو پیچھے ہٹانے اور سرحد پر کشیدگی کم کرنے کے لئے میٹنگوں اور بات چیت کا سلسلہ جاری رکھٰں۔ انہوں نے کہا کہ دونوں ممالک کے مابین ورکنگ میکانزم کے تحت اگلی میٹنگ جلد ہی ہوگی۔
اس دوران ہندوستان اور چین کے فوجیوں کے مابین پیچھے ہٹنے کے عمل کا پہلا مرحلہ مکمل ہوچکا ہے۔
یو این آئی۔ این یو۔ این یو۔