NationalPosted at: Sep 22 2022 9:32PM میانمار سے 32 ہندوستانیوں کو بچایا گیا
نئی دہلی، 22 ستمبر (یو این آئی) ہندوستان نے میانمار سے 32 سے زیادہ ہندوستانی شہریوں کو کامیابی کے ساتھ بچایا ہے جو غیر قانونی طور پر روزگار کے لئے تھائی لینڈ جا رہے تھے۔
وزارت خارجہ کے ترجمان ارندم باگچی نے یہاں ایک معمول کی بریفنگ میں کہا کہ کچھ جعلی آئی ٹی کمپنیوں کو تھائی لینڈ میں ڈیٹا انٹری آپریٹرز وغیرہ کی نوکریاں دلانے کے لیے جھوٹا پروپیگنڈہ کیا گیا۔ غیر قانونی طور پر تھائی لینڈ جانے کے لیے میانمار کے میا وادی علاقے میں بہت سے لوگ پھنسے ہوئے تھے۔ حکومت ہند نے تھائی لینڈ کی حکومت اور میانمار کی حکومت سے درخواست کرنے کے بعد 32 لوگوں کو بچایا ہے اور 50 سے زیادہ لوگوں سے رابطے میں ہیں۔
مسٹر باگچی نے کہا کہ وہ ہندوستانی کارکنوں سے اپیل کریں گے کہ وہ حکومت کی تصدیق کے بعد ہی ملازمت کے لیے باہر جائیں اور اس غلط فہمی کو دور کریں کہ آمد پر ویزا یعنی ویزا آف ارائیول روزگار کے لئے نہیں ملتا ہے۔
یواین آئی ظ ا