InternationalPosted at: Dec 29 2020 9:22AM انڈونیشیا نے جزوی طور پر سرحدیں بند کرنے کا فیصلہ کیا
جکارتہ، 29 دسمبر (یو این آئی) انڈونیشیا حکومت نے کورونا کے نئے اسٹرین کے خطرے کے پیش نظر سبھی ممالک کے شہریوں کے لئے یکم جنوری سے 14 جنوری تک جزوی طور پر اپنی سرحدیں بند کرنے کا فیصلہ کیا ہے۔
وزیر خارجہ ریتنو مارسوری نے بتایا کہ یہ ضابطہ ممالک کے افسران اور وزیروں پر نافذ نہیں ہو گا لیکن ان لوگوں کو کووڈ پروٹوکول پر سختی سے عمل کرنا ہوگا۔
غیر ملکی شہری جو 31 دسمبر تک یہاں آئیں گے انہیں کورونا کی نیگیٹیو رپورٹ دکھانے کے بعد ملک میں داخلے کی اجازت دی جائے گی۔ ان کی آمد سے 48 گھنٹے پہلے کی رپورٹ تسلیم کی جائے گی اور انڈونیشیا پہنچنے پر ان کا دوبارہ کورونا ٹسٹ کیا جائے گا۔
وزیر نے بتایا کہ دونوں پی سی آر ٹسٹ کے نتاج نیگیٹیو آنے پر غیرملکیوں کو پانچ دنوں کے لئے کوارنٹائن میں رہنا ہوگا، جس کے بعد ایک بار پھر ان کا کورونا ٹسٹ کیا جائے گا۔ اگر رپورٹ نیگیٹیو آتی ہے تو وہ اپنا سفر مکمل کرسکیں گے۔
اس دوران جو انڈونیشیا کے شہری بیرون ممالک سے واپس آنا چاہتے ہیں، وہ بھی پی سی آر ٹسٹ کرواکر ملک میں داخل ہوسکتے ہیں۔
یو این آئی۔ این یو۔