InternationalPosted at: Nov 20 2017 10:07AM بدعنوانی کے معاملہ میں نیتن یاہو سے پھر پوچھ گچھ
(تصحیح کے ساتھ دوبارہ جاری)
یروشلم،20نومبر(رائٹر)
اسرائیلی وزیر اعظم بنجامن نیتن یاہو سے ایک بار پھر کرپشن الزامات کے تحت پوچھ گچھ کی گئی۔اسرائیلی پولیس نے چھٹی بار اسرائیل کے وزیرا عظم نیتن یاہو سے کرپشن کے الزامات پر تفتیش کی ہے۔
پولیس کے ترجمان نے کہا کہ معاملے کی تحقیقات کر رہے افسر وزیر اعظم نیتن یاہو کے سرکاری رہائش یروشلم پہنچے اور ان سے پوچھ گچھ کی۔ انہوں نے کہا کہ مسٹر نیتن یاہو سے ریاست کے چیف پراسیکیوٹر اور اٹارنی جنرل اتھارٹی کے ساتھ چل رہے فراڈ کی تحقیقات کے معاملے میں کئی گھنٹے تک پوچھ گچھ ہوئی۔
سال 2009 سے اقتدار کی باگ ڈور سنبھال رہے وزیر اعظم نیتن یاہو کے خلاف کوئی الزام نہیں لگایا گیا ہے۔ لیکن انہوں نے کچھ بھی غلط کرنے سے انکار کیا ہے۔
پولیس نے ان پر عائد کرپشن کے الزامات کے حوالہ سے ان سے مزید سوالات کیے۔
نیتن یاہو کو کرپشن الزامات کے تحت دو مقدمات کا سامنا ہے جن میں ان پر مختلف کاروباری شخصیات اور اداروں سے قیمتی تحائف لینے کے الزامات عائد کیے گئے ہیں۔
اسرائیلی وزیر اعظم پر کرپشن کے الزامات عائد ہونے کے بعد سے اسرائیل میں ان کے خلاف مظاہروں کا سلسلہ جاری ہے۔
بنجامن نیتن یاہو اپنے خلاف کرپشن کے الزامات کو اپنے مخالفین کی سازش قرار دیتے رہے ہیں۔
رائٹر،اظ0835