NationalPosted at: Sep 12 2018 9:18PM مالیا کا بیان حقائق کے برعکس : جیٹلی
نئی دہلی 12 ستمبر (یو این آئی) وزیر خزانہ ارون جیٹلی نے مفرور کاروباری وجے مالیا کے اس بیان کو حقائق کے برعکس اور حقیقت سے پرے بتایا ہے کہ اس نے بیرون ملک جانے سے پہلے ان سے ملاقات کرکے بقایہ قرض ادا کرنے کی پیشکش کی تھی۔
میڈیا رپورٹس کے مطابق، برطانیہ میں مقیم وجے مالیا نے لندن کی ایک عدالت میں اس حوالگی پر سماعت کے لئے پیشی سے پہلے صحافیوں کو بتایا کہ ہندوستان چھوڑنے سے پہلے وہ وزیر خزانہ سے ملا تھا اور بینکوں کے بقایہ قرض نپٹانے کی پیشکش کی تھی ۔
مسٹر جیٹلی نے کہا’’وجے مالیا کا مجھ سے ملنے اور قرض نپٹانے کی پیشکش کی بات حقائق طور پر غلط ہے کیونکہ یہ حقیقت سے پرے ہے‘‘۔ انہوں نے کہا کہ سال 2014 کے بعد سے انہوں نے مالیا کو کبھی ملنے کے لئے وقت نہیں دیا اس لئے اس سے ملنے کا سوال ہی نہیں پیدا ہوتا۔
وزیر خزانہ نے کہا کہ راجیہ سبھا کے رکن ہونے کی وجہ سے مالیا کبھی کبھار پارلیمنٹ آ جاتے تھے اور ایک دن انہوں نے اچانک پارلیمنٹ کے گلیارے میں ان کے پاس آ کر کہا کہ وہ بینکوں سے لئے گئے قرض کو نپٹانے کے بارے میں کچھ پیشکش کرنا چاہتے ہیں۔
مسٹر جیٹلی نے کہا ’’مجھے مالیا کے جھوٹ کے بارے میں پہلے بتایا جا چکا تھا اور اس وجہ سے میں نے اخلاقاً ان سے کہا’’ مجھ سے بات کرنے کا کوئی فائدہ نہیں ہے۔ آپ کو اپنے بینکروں سے بات کرنی چاہیے۔ مجھے پتہ تھا کہ بینکوں کا قرض ادا کرنے کی اس کی کوئی منشا نہیں ہے‘‘۔
مسٹر جیٹلی نے کہا کہ مالیا اپنے ساتھ جو کاغذات لے کر آئے تھے وہ بھی انہوں نے نہیں لیے۔ مالیا نے اس موقع کا راجیہ سبھا رکن ہونے کی وجہ سے غلط فائدہ اٹھایا لیکن میں نے ان سے صرف ایک جملہ کہا۔ اس کے علاوہ کبھی بھی نہ تو ان کے دفتر میں اور نہ گھر پر انہیں ملنے کا وقت دیا۔
یو این آئی۔ ع ا۔