نئی دہلی، 21 جولائی (یو این آئی) مرکزی وزیر اور بھارتیہ جنتا پارٹی کے سینئر لیڈر ارون جیٹلی نے ہفتہ کو کہا کہ کانگریس کے صدر راہل گاندھی نے فرانسیسی صدر ایمانوئل میكراں کے ساتھ بات چیت کی کہانی ’گڑھ كر‘ بین الاقوامی سطح پر اپنی ہی معتبریت ’کم‘ کی ہے۔
مسٹر جیٹلی نے فیس بک پر لکھے اپنے مضمون میں کہا ہے، ’’راہل گاندھی نے صدر میكراں کے ساتھ بات چیت گڑھ کر اپنی معتبریت کم کی ہے اور دنیا کے سامنے ہندوستانی سیاستدانوں کی شبیہ کو نقصان پہنچایا ہے‘‘۔ انہوں نے کہا یہ بات سمجھ میں نہیں آ رہی ہے کہ مسٹر گاندھی اس حقیقت سے کیسے بے خبر ہیں کہ یو پی اے کی حکومت کے وزیر نے ہی رازداری کے معاہدے پر دستخط کیے تھے۔
قابل ذکر ہے کہ مسٹر گاندھی نے جمعہ کو لوک سبھا میں مودی حکومت کے خلاف عدم اعتماد کی تحریک پر بحث میں حصہ لیتے ہوئے کہا تھا کہ حکومت رازداری کی آڑ میں رافیل طیارے سودے کی قیمت نہیں بتا رہی ہے جبکہ فرانسیسی صدر نے ان سے کہا تھا کہ دونوں ممالک کے درمیان ایسا کوئی خفیہ معاہدے نہیں ہے اور یہ بات اپنے ملک میں ہر کسی کو یہ بتا سکتے ہیں۔
جاری۔ یو این آئی۔ ع ا۔