OthersPosted at: Jan 8 2018 3:51PM یروشلم کو اسرائیل کی راجدھانی قرار دینا سراسر غلط اور تاریخ کے ساتھ ناانصافی۔ شیخ ابوبکر احمد
کالی کٹ، 8جنوری (یو این آئی) جامعہ الثقافۃ سنیہ الاسلامیہ کے وائس چانسلر شیخ ابوبکر احمد نے عالمی برادری سے فلسطین کے ساتھ انصاف کرنے پر زور دیتے ہوئے کہا کہ یروشلم کو اسرائیل کی راجدھانی قرار دینا نہ صرف سراسر غلط ہے بلکہ تاریخ کے بھی خلاف ہے ۔ یہ بات انہوں نے یہاں منعقدہ جامعہ الثقافۃ سنیہ الاسلامیہ کے زیراہتمام چار روزہ روبی جبلی عالمی کانفرنس کے اختتام کے موقع پرکلیدی خطبہ پیش کرتے ہوئے کہی۔
انہوں نے کہا کہ مسلمانوں کے خلاف عالمی پیمانہ پر سازش رچی جارہی ہے ہمیں اس کے سدباب کے لئے اتحاد کے ساتھ مقابلہ کرنا چاہئے۔ انہوں نے کہاکہ ،عالم عرب متحد ہوکر فلسطینی حقوق کیلئے بیک وقت یواین او سمیت دیگر پلیٹ فارم پر آواز اٹھائیں۔
انہوں نے کہا کہ آج فلسطین ضروری اشیاء سے بھی محروم ہوتے جارہے ہیں ، عرب ممالک الگ الگ نظریہ نہ قائم کریں بلکہ ایک ساتھ متحدہ کوشش سے فلسطینیوں کے حقوق کے لئے لڑیں۔
انہوں نے لاکھوں لوگوں کے مجمع میں ملک کے حالات پر روشنی ڈالتے ہوئے کہا کہ میں نفرت کا ماحول پید رہاہے اور یہ خطر ناک سازش کا حصہ لگتا ہے اسے ہمیں تعلیم اور قانون کے راستہ سے نفرت وعدوات کو ختم کرنا ہوگا ۔
انہوں نے کہاکہ ملک کی تمام ریاستوں میں مرکز کا برانچ قائم ہوگا تاکہ دوررادز کے بچے تعلیم سے محروم نہ رہ جائیں ۔انہوں نے کہا کہ خواتین کی تعلیم کے بغیر معاشرہ ترقی نہیں کرسکتا اس لئے دس سال کے اندر لڑکیوں کیلئے اسلامک خواتین یونیورسٹی قائم کی جائے گی جو ہندوستان کی تاریخ میں ایک نئے باب کا اضافہ کرے گی ۔
مسٹر ابوبکر نے کہاکہ کرسچن اور ہندو کیلئے میرج سول لاء ہے لیکن مسلم کیلئے کریمنل لا کیونکہ بنایا گیا ، یہ غیر منصفانہ کام ہے ، شرعی امور کے فیصلے علما کریں گے ، حکومت یا کسی غیر کو کئی عمل دخل نہیں ہونا چائے ، انہوں نے کہا کہ نے کہاکہ ہم آئین کے دائرہ میں رہ کر قانونی چارہ جوئی کریں گے۔
جاری۔یو این آئی۔ ع ا۔ ج ا۔م الف