نئی دہلی ،20اکتوبر(یواین آئی) مکیش امبانی کی ریلائنس جیو نے ٹیلی کام ریگولیٹری اتھارٹی آف انڈیا (ٹرائی )کے انٹرکنکٹ یوزیج چارج (آئی یوسی )کنسلٹیشن پیپر کو من مانا،ٹکنالوجی اور غریب مخالف بتاتے ہوئے کہاکہ یہ وزیراعظم نریندرمودی کے ڈیجیٹل انڈیا کے خوابوں کو چکناچورکردے گاجیونے اتوار کو کہاکہ آئی یوسی کو ختم کرنے کی حد کے ساتھ کسی طرح کی چھیڑ چھاڑ من مانی ،ٹکنالوجی مخالف ،قانون کے لحاظ سے کمزور ،غیر مناسب اور غریپ مخالف ہے ۔جیو نے ٹرائی کو نشانہ بناتے ہوئے کہاکہ آئی یوسی پر ریگولیٹری ادارے کے من مانے رویہ سے اسکی معتبریت شک کے دائرے میں ہے ۔اس سے ٹیلی مواصلات کےشعبہ کے سرمایہ کاروں کے اعتماد کو ٹھیس پہنچے گی ۔جیونے کہاکہ آئی یوسی کی وجہ سے وہ دیگر ٹیلی مواصلات کمپنیوں کو ساڑھے تیرہ ہزار کروڑ روپئے کی ادائیگی کرچکی ہے ریلائنس جیونے کہاکہ وزیراعظم کے ویژن کے مطابق ڈیجیٹل انفرااسٹرکچر ملک کے ہر شہری کا حق ہے ،لیکن آئی یوسی کو برقرار رکھنے کی خواہش نے وزیراعظم کے اس ویژن کو چکناچورکردیاہے ۔کچھ ٹیلی کام آپریٹر چاہتے ہیں کہ پرانہ ہوچکا 2جی کا نیٹ ورک ہمیشہ برقراررہے اور ملک کے 47کروڑ سے زیادہ صارفین جو 2جی نیٹ ورک سے جڑے ہیں ڈیجیٹل انقلاب کے فوائد سے محروم رہ جائیں ۔کنسلٹیشن پیپر جاری کرکے ٹرائی ان ٹیلی کام آپریٹروں کے وابستہ مفاد کا تحفظ کرناچاہتی ہے ۔
جاری ۔یواین آئی۔ایف اے