RegionalPosted at: Apr 28 2017 2:46PM بی جے پی قومی صدر امت شاہ کا دورہ جموں، مندروں کے شہر نے زعفرانی رنگ اوڑھ لیا
جموں، 28 اپریل (یو ا ین آئی) بھارتیہ جنتا پارٹی (بی جے پی) کے قومی صدر امت شاہ ہفتہ کو دو روزہ دورے پر جموں وکشمیر کی سرمائی دارالحکومت جموں پہنچیں گے۔ بی جے پی نے مسٹر امت شاہ کے دورے کے حوالے سے تمام انتظامات مکمل کرلئے ہیں۔ مسٹر امت شاہ کی آمد سے قبل مندروں کا شہر کہلائے جانے والے جموں کی بیشتر سڑکوں اور بازاروں کو بی جے پی کے زعفرانی رنگ کے جھنڈوں اور بینروں سے سجایا گیا ہے اور یوں شہر کے ایک بڑے حصے نے زعفرانی رنگ اوڑھ لیا ہے۔ سیکورٹی ذرائع نے بتایا کہ بی جے پی صدر کے دورے جموں کے پیش نظر اس سرمائی دارالحکومت میں سیکورٹی کے پختہ بندوبست کئے گئے ہیں۔ بی جے پی اسٹیٹ جنرل سکریٹری ڈاکٹر نریندر سنگھ نے یو این آئی کو بتایا ’پارٹی صدر کے جموں دورے کے حوالے سے تمام انتظامات کو حتمی شکل دے دی گئی ہے‘۔ انہوں نے بتایا کہ مسٹر شاہ صبح کے وقت جموں پہنچنے کے ساتھ ہی براہ راست پارٹی ہیڈکوارٹر کا دورہ کریں گے جہاں وہ ایک بڑے پیمانے کی لائبریری کا افتتاح کریں گے۔ جاری۔یو این آئی۔ ظ ح بٹ ۔ج ا۔م الف